سوئٹزرلینڈ: غیرملکیوں کی ملک بدری کا قانون مسترد

سوئٹزرلینڈ: غیرملکیوں کی ملک بدری کا قانون مسترد

بر ن(آن لائن)سوئٹزر لینڈ کے لوگوں نے معمولی جرائم میں ملوث غیر ملکیوں کو ملک بدر کرنے کے منصوبے کو مسترد کر دیا ہے۔سوئس پیپلز پارٹی کی جانب سے منعقد کروائے گئے ریفرینڈم میں 59 فیصد لوگوں نے اس کے خلاف ووٹ دیا۔پارٹی کا کہنا ہے کہ یہ رائے شماری امیرگریشن کی تعداد میں اضافے کے باعث پیدا ہونے والی پریشانی کی وجہ سے کروائی گئی تھی۔لیکن اس قاون کے مخالفین کا کہنا ہے کہ اس قانون سے سوئٹزر لینڈ کی آبادی کا 25 فیصد غیرملکیوں کو نشانہ بنانا غیرمنصفانہ ہے۔سوئٹزر لینڈ میں لگ بھگ 20 لاکھ غیر ملکی مستقل اور قانونی طور پر آباد ہیں۔تاہم سوئس قومیت حاصل کرنا پیچدہ اور مہنگا عمل ہے۔ نہ ہی یہ یہاں پیدائش کے ساتھ خود وخود حاصل ہوتا ہے۔ ان غیر ملکیوں میں ایسے لوگ بھی ہیں جو زندگی میں کبھی سوئٹزرلینڈ سے باہر گئے ہی نہیں۔سوئس حکومت کے تحت ہر 100 میں سے صرف 2 غیر ملکیوں کو ہی ملک کی شہریت دی گئی ہے۔یہ تجویز ملک کی انتہائی دائیں بازو کی جماعت سوئز پیپلز پارٹی نے پیش کی تھی۔ریفرینڈم میں پچاس لاکھ سے زیادہ افراد ووٹ ڈالنے کے مجاز تھے لیکن باہر سے آکر پناہ لینے والے تقریباً 20 لاکھ لوگوں کو اس ووٹنگ میں شامل نہیں کیا گیا ہے جو سوئٹزر لینڈ میں آکر بس چکے ہیں۔سوئز پیپلز پارٹی کی قرارداد کے مطابق اگر کوئی بھی بیرونی شخص دس برس کے اندار تیز کار چلانے یا پولیس سے بحث کرنے جیسی دو چیزوں کی خلاف ورزیوں کا مرتکب پایا جاتا تو، بغیر کسی اپیل کے حق کے، اسے خود بخود اپنے ملک واپس جانا ہوتا۔

مزید : عالمی منظر