سپرسٹار وہ ہوتا ہے جس کو عوامی پیار ملے:ستارہ بیگ
لاہور(فلم رپورٹر)اسٹیج و فلم کی نامور اداکارہ ستارہ بیگ نے کہا ہے کہ عالمی سائنسدان ایڈسن کی تھیوری کی طرح میں نے بھی کامیابی کا لائحہ عمل مرتب کر رکھا ہے ،ہر فنکار راتوں رات شہرت کی بلندیوں پر نہیں جاتا بلکہ اس کے لئے طویل جدوجہد اور محنت درکار ہوتی ہے ۔ انہوں نے خصوصی گفتگو کرتے ہوئے کہا کہ میں مسلسل محنت کر کے کامیابی کی منازل طے کررہی ہوں اور سوشل میڈیا پر میرے پرستاروں کی تعداد 8لاکھ سے بھی تجاوز کر چکی ہے مگر میں ابھی بھی اس کو اپنی کامیابی نہیں سمجھتی ۔ انہوں نے ایک سوال کے جواب میں کہا کہ نمبر ون اور سپر سٹار کوئی نہیں ہوتا بلکہ میرے نزدیک وہی سپر سٹار ہے جس کا ڈرامہ اور فلم دیکھنے کے لئے لوگ امڈ آئیں اور مجھے خوشی ہے کہ میرا الحمراء ہال llمیں ہونے والا اسٹیج ڈرامہ ’’اسٹیج ڈرامہ ’’ نخرے تیرے نی ‘‘ میں میری پرفارمنس کو دیکھنے کے لئے پرستاروں کی بڑی تعداد آرہی ہے اور ڈرامہ ختم ہونے کے باوجود فیملیز میرے ساتھ سیلفیاں بنانے کی منتظر رہتی ہیں ۔