قومی ایئر لائن کی پرواز پی کے 300 نیو اسلام آباد ایئر پورٹ پر لینڈ کر گئی

قومی ایئر لائن کی پرواز پی کے 300 نیو اسلام آباد ایئر پورٹ پر لینڈ کر گئی
قومی ایئر لائن کی پرواز پی کے 300 نیو اسلام آباد ایئر پورٹ پر لینڈ کر گئی

  


کراچی (ڈیلی پاکستان آن لائن)قومی ایئر لائن (پی آئی اے )کی پہلی پرواز پی کے 300 نیو اسلام آباد ایئر پورٹ پر لینڈ کرگئی جہاں پی آئی اے کے صدر اور سی ای او نے مسافروں کا استقبال کیا اور ان میں گفٹ تقسیم کئے ۔

تفصیلات کے مطابق کراچی سے آنے والی قومی ایئر لائن کی پہلی پرواز پی کے 300 نیو اسلام آباد ایئر پورٹ پر لینڈ کر گئی ہے ،پی آئی اے کی پرواز میں 150 مسافر سوار تھے،

قومی ایئر لائن کے صدر اور چیف ایگزیکٹو آفسر نے مسافروں کا استقبال کیا اور ان میں گفٹ ہیمپر تقسیم کئے ،ترجمان پی آئی کے مطابق کیپٹن فرخ مرزاطیارے کے کپتان جبکہ زوہیرالیاس فرسٹ آفیسرکے فرائض سر انجام دیئے ہیں۔

انتظامیہ کے مطابق سفری سہولت کے لحاظ سے نیو اسلام آباد ایئر پورٹ ملک کا سب سے بڑا ایئر پورٹ ہے ،اس پر بیک وقت 15 طیاروں کے پارکنگ کی گنجائش موجود ہے،انتظامیہ کے مطابق ایئرپورٹ سے ساڑھے 12 بجے پہلی پروازکراچی کےلئے روانہ ہوگی جبکہ جمعرات سے پروازوں کاباقاعدہ آغازہوگا۔

مزید : اہم خبریں /قومی /علاقائی /سندھ /کراچی


loading...