فحش فلموں کی اداکارہ کے ساتھ تعلقات کے الزام کے بعد ڈونلڈ ٹرمپ نئی مصیبت میں پھنس گئے، معاملہ عدالت پہنچ گیا
واشنگٹن (ڈیلی پاکستان آن لائن) امریکی صدر ڈونلڈ ٹرمپ کے خلاف فحش فلموں کی سابق اداکارہ کی جانب سے ہتک عزت کا مقدمہ دائر کیا گیا ہے ۔ مقدمہ نیو یارک کی ایک وفاقی عدالت میں دائر کیا گیا ہے جس میں الزام عائد کیا گیا ہے کہ ٹرمپ نے اداکارہ کو بدنام کرنے کی کوشش کی۔
پورن سٹار سٹورمی ڈینیئلز کے وکیل نے کہا ہے کہ انہوں نے امریکی صدر ڈونلڈ ٹرمپ کے خلاف توہین آمیز ٹویٹ کی وجہ سے ہتکِ عزت کا مقدمہ دائر کر دیا ہے۔نیویارک کی وفاقی عدالت میں دائر مقدمے میں کہا گیا ہے کہ صدر ٹرمپ نے لاکھوں کی تعداد میں اپنی قومی اور بین الاقوامی آڈیئنس استعمال کرتے ہوئے مس کلفرڈ پر حملہ کیا اور انہیں بدنام کیا۔صدر ٹرمپ کی ٹویٹ توہین آمیز ہے اور اس میں الزام لگایا گیا ہے کہ مس ڈینیئلز نے ایک سنگین جرم کا ارتکاب کرتے ہوئے غلط بیانی سے کام لیا ہے کہ کسی نے انھیں دھمکایا تھا۔
Moments ago, we filed this lawsuit against Mr. Trump for his recent irresponsible and defamatory statements about my client @stormydaniels. He is well aware of what transpired and his complicity. We fully intend on bringing it to light. #buckleup #bastahttps://t.co/ZuBjI1EY9z
— Michael Avenatti (@MichaelAvenatti) April 30, 2018
واضح رہے کہ فحش فلموں کی سابق اداکارہ سٹورمی ڈینیئلزکا اصل نام سٹیفنی کلفرڈ ہے۔ انہوں نے الزام عائد کیا تھا کہ ٹرمپ نے 2006 میں ان سے جنسی تعلق قائم کیا تھا، دوسری جانب ٹرمپ اس کی سختی سے تردید کرتے ہیں۔ڈینیئلز نے گزشتہ دنوں الزام عائد کیا تھا کہ انہیں امریکی شہر لاس ویگاس کی ایک کار پارکنگ میں ایک شخص نے دھمکایا تھا کہ وہ صدر ٹرمپ سے تعلقات کا الزام واپس لے لیں۔
A sketch years later about a nonexistent man. A total con job, playing the Fake News Media for Fools (but they know it)! https://t.co/9Is7mHBFda
— Donald J. Trump (@realDonaldTrump) April 18, 2018
سٹورمی ڈینیئلز کی جانب سے یہ الزام عائد کیے جانے کے بعد ٹرمپ نے اپنے ایک ٹویٹ میں اس کو فراڈ قرار دیا تھا۔ سٹورمی ڈینیئلز کی جانب سے جس شخص کا خاکہ بنوایا گیا تھا اس کے بارے میں ٹرمپ نے کہا تھا کہ اس شخص کا کوئی وجود ہی نہیں ہے۔
Oops! This is awkward! @StormyDaniels’s Ex ????#IDTheThug pic.twitter.com/GgLSxm2EJZ
— Deplorably????????????????????????????Scottish (@ShennaFoxMusic) April 18, 2018
