بھارت، مسلمان ڈرائیور نے  اپنے رکشہ کو ایمبولینس بنا لیا،مریض مفت ہسپتال منتقل کرنے لگا

بھارت، مسلمان ڈرائیور نے  اپنے رکشہ کو ایمبولینس بنا لیا،مریض مفت ہسپتال ...

  

  بھوپال (آئی این پی) بھارت میں امتیازی سلوک کے باوجود مسلمان انسانیت کی خدمت میں آگے ہیں، بھوپال کے مسلمان ڈرائیور نے اپنے رکشہ کو ہی ایمبولینس بنا لیا، مریضوں کو مفت اسپتال منتقل کرنے لگا۔ ریاست مدھیہ پردیش کے شہر بھوپال کے مسلمان ڈرائیور کی سوشل میڈیا پر خوب دھوم ہے، جاوید خان نے مشکل کی گھڑی میں رکشہ کو ایمبولینس میں تبدیل کردیا، جس میں آکسیجن سلنڈر بھی نصب کر رکھا ہے، مریضوں کو مفت ہسپتالوں تک پہنچایا جا رہا ہے، مسلمانوں کے خلاف زہر اگلتے بھارتی چینل بھی جاوید خان کی تعریف پر مجبور ہوگئے۔ واضح رہے کہ بھارت میں کورونا نے تباہی مچا رکھی ہے، مزید 3 ہزار 501 افراد لقمہ اجل بن گئے۔ مہلک وائرس سے مرنے والوں کی مجموعی تعداد 2 لاکھ 8 ہزار سے تجاوز کر گئی ہے۔ ایک روز میں مزید 3 لاکھ 86 ہزار 925 افراد متاثر ہوئے۔ وبا کے بعد کسی بھی ملک کے یہ اب تک سب سے زیادہ یومیہ کیسز ہیں۔

مسلمان ڈرائیور

مزید :

پشاورصفحہ آخر -