حکومت مزدوروں کیلئے انقلابی اقدامات اٹھارہی ہے، فردوس عاشق اعوان

حکومت مزدوروں کیلئے انقلابی اقدامات اٹھارہی ہے، فردوس عاشق اعوان
حکومت مزدوروں کیلئے انقلابی اقدامات اٹھارہی ہے، فردوس عاشق اعوان

  

لاہور(ڈیلی پاکستان ان آن لائن ) معاون خصوصی اطلاعات پنجاب ڈاکٹر فردوس عاشق اعوان نے یوم مزدور پر پیغام جاری کرتے ہوئے کہا ہے کہ بزدارحکومت مزدوروں، محنت کشوں کیلئے انقلابی اقدامات اٹھارہی ہے۔

سماجی رابطے کی ویب سائٹ ٹوئٹر پر اپنے ایک پیغام میں فردوس عاشق اعوان کا کہنا تھا کہ عالمی یوم مزدور کے موقع پر دنیا بھر خصوصا پاکستان کے محنت کشوں کو سلام پیش کرتے ہیں۔پاکستان اور بیرون ملک بسنے والے پاکستانی محنت کش ہمارے سر کا تاج، قیمتی اثاثہ ہیںجوکہ ملکی معیشت میں ریڑھ کی ہڈی کی حیثیت رکھتے ہیں۔

ایک اور پیغام میں انہوں نے پنجاب حکومت کی جانب سے محنت کشوں کے لئے کئے جانے والے اقدامات کے بارے بتایا کہ پنجاب ورکرز ویلفئیر فنڈ کی منظوری کے ذریعے 7.5ارب کا فنڈ مستحقین تک پہنچایاگیا ہے ، پنجا ب حکومت کی جانب سے مزدورں کی کم از کم تنخواہ 15 سے بڑھا کر 17ہزار500 کی گئی، لیبر سکولز میں مزدوروں کے 55ہزار سے زائد بچوں کو مفت تعلیم کی فراہمی، سکالر شپ کی مد میں 3ارب، ڈیتھ گرانٹ 2ارب اور شادی گرانٹ کیلئے 2ارب سے زائد فنڈز کی فراہمی کی گئی ہے۔

ا ن کا مزید کہنا تھا کہ مزدوروں کے ریکارڈ کی ڈیجیٹلائزیشن، 25ہزار ڈیجیٹل کارڈز کا اجراءکیا جاچکا ہے۔ وزیراعظم عمران خان کی قیادت میں بزدار حکومت مزدوروں اور محنت کشوں کو زیادہ سے زیادہ سہولیات فراہم کرنے کیلئے پرعزم ہے۔

مزید :

قومی -