تحریک انصاف کو بھی اپنا گھر درست کرنے کی ضرورت، این اے 249 الیکشن کے بعد فردوس عاشق اعوان نے اعتراف کرلیا
لاہور (ویب ڈیسک) معاون خصوصی اطلاعات پنجاب فردوس عاشق اعوان نے کہا ہے کہ ضمنی الیکشن کے حوالے سے پارٹی کے اندر بھی معاملات درست کرنے کی ضرورت ہے اور تحریک انصاف کو بھی اپنا گھر درست کرنے کی ضرورت ہے۔
صوبائی وزیر حسین جہانیاں گردیزی کے ساتھ پریس کانفرنس میں فردوس عاشق اعوان نے کہا کہ این اے 249 میں ایک کلومیٹر کے اندر الیکشن ہورہا تھا، صبح 6 بجے رزلٹ آنا اور وہاں کی حکومتی پارٹی کا جیت جانا بہت کچھ بیان کررہا ہے جو چیخیں ڈسکہ میں سنائی دیں کراچی میں سنائی نہیں دیں۔انہوں نے کہا کہ پیپلز پارٹی نے کراچی ضمنی الیکشن میں جمہوریت کو تابوت میں بند کر دیا، اپوزیشن اب بھی ہوش کے ناخن لے اور انتخابی اصلاحات کے لیے تعاون کرے ورنہ اس طرح کی دردناک چیخیں سنائی دیتی رہیں گی۔
فردوس عاشق اعوان کا کہنا تھا کہ ضمنی الیکشن کے حوالے سے پارٹی کے اندر بھی معاملات درست کرنے کی ضرورت ہے، تحریک انصاف کو بھی اپنا گھر درست کرنے کی ضرورت ہے۔
