بھارتی ہسپتال کے کورونا وارڈ میں آتشزدگی سے 2 نرسوں سمیت 18 مریض جان کی بازی ہارگئے

بھارتی ہسپتال کے کورونا وارڈ میں آتشزدگی سے 2 نرسوں سمیت 18 مریض جان کی بازی ...
بھارتی ہسپتال کے کورونا وارڈ میں آتشزدگی سے 2 نرسوں سمیت 18 مریض جان کی بازی ہارگئے

  

نیودہلی(ڈیلی پاکستان آن لائن )احمد آباد کے ایک خیراتی ہسپتال کے  کورونا وارڈ میں آتشزدگی سے 2 نرسوں سمیت 18 مریض جان کی بازی ہارگئے۔ہنگامی حالات کے پیش نظر 50 مریضوں کو دیگر ہسپتالوں میں منتقل کرنا پڑا۔

بھارتی میڈیا کے مطابق ریاست گجرات میں ایک ٹرسٹ کے زیر انتظام  چلنے والے ہسپتال کے کورونا وارڈ میں شارٹ سرکٹ کی وجہ سے آگ لگ گئی، آگ تیزی سے آئی سی یو تک پہنچ گئی جس سے دو نرسوں سمیت 18 مریض ہلاک ہوگئے۔ہسپتال میں لگی آگ کو بجھانے کے لیے فائر بریگیڈ کی 12 گاڑیاں جب کہ کورونا وارڈ اور آئی سی یو سے مریضوں کو دوسرے اسپتالوں میں منتقلی کے لیے 40 ایمبولینسیں بھی بھیجی گئی ہیں۔

واضح رہے کہ بھارت میں رواں برس ہسپتالوں میں آتشزدگی کے تین بڑے واقعات رونما ہوچکے ہیں جن میں مجموعی طور پر 50 مریض ہلاک ہوچکے ہیں۔

مزید :

بین الاقوامی -