کراچی میں سابق ٹاﺅن ناظم ڈاکٹر پرویز محمود اور ان کے ڈرائیورکے قتل میں ملوث ملزم گرفتار

کراچی میں سابق ٹاﺅن ناظم ڈاکٹر پرویز محمود اور ان کے ڈرائیورکے قتل میں ملوث ...
کراچی میں سابق ٹاﺅن ناظم ڈاکٹر پرویز محمود اور ان کے ڈرائیورکے قتل میں ملوث ملزم گرفتار

  

 کراچی(ڈیلی پاکستان آن لائن)پولیس نے جماعت اسلامی کے سابق ٹاؤن ناظم ڈاکٹر پرویز اور انکے ڈرائیور کے قتل میں ملوث ایم کیوایم لندن کے کارندے کو گرفتار کرکے دستی بم اور ڈیٹونیٹر برآمد کرلیاہے، ملزم واردات کے بعد بیرون ملک فرار ہوگیا تھا ۔

ترجمان پولیس کے مطابق ملیر پولیس کو اطلاع ملی تھی کہ ایم کیو ایم لندن کا کارندہ عبدالرحمن اپنے ساتھیوں سے ملنے ملیر ہالٹ کے قریب آرہا ہے، پولیس نے بروقت کارروائی کرتے ہوئے ملزم عبدالرحمن کو گرفتار کرکے دستی بم اور ڈیٹونیٹر برآمد کرلیاہے۔دوران تفتیش ملزم نے انکشاف کیا کہ اس نے اپنے ساتھیوں کے ہمراہ 2012 میں جماعت اسلامی کے سابق ٹاؤن ناظم ڈاکٹر پرویز کی کار پر اندھا دھند فائرنگ کی تھی جس کے نتیجے میں ڈاکٹر پرویزاور انکا ڈرائیور خلیق اللہ موقع پر ہی جاں بحق ہوگئے تھے۔ملزم واردات کے بعد بیرون ملک فرار ہوگیا تھا۔

ترجمان نے بتایاکہ ملزم کا کہناتھاکہ اس نے اپنے ساتھیوں کے ہمراہ 2008 میں عام انتخابات میں مختلف علاقوں میں قتل کی پانچ وارداتیں کی تھی ۔ملزم نے 2008 میں ایم کیو ایم لندن ٹارگٹ گروپ میں شمولیت اختیار کی تھی ، اس نے اپنے مخالف گروپ کے سیاسی جماعت کے کارکن کو بھی قتل کرنے کا اعتراف کیا ہے جبکہ مختلف علاقوں میں خوف پھیلانے کے لیے فائرنگ بھی کرتا تھا اور مرکز کی ہدایت پر واردات کے بعد بیرون ملک فرار ہوجاتا تھا۔

مزید :

علاقائی -سندھ -کراچی -