لاہور ( طیبہ بخاری سے )ترکیہ گریٹ یونین پارٹی کے چئیرمین مصطفیٰ دستجی نےپاکستان سے اظہار یکجہتی کر دیا ۔
ترکیہ کی گریٹ یونین پارٹی کے لیڈر مصطفیٰ دستجی نے کہا ہے کہ " ترکی کو اپنے برادر ملک پاکستان کے ساتھ کھڑا ہونا چاہیے, یہ نہ صرف ایک جذباتی یا اخلاقی فرض ہے بلکہ حقیقی سیاست کا تقاضا ہے۔ پاکستان کے ساتھ کھڑے ہونا ہماری اخوت، دوستی اور وفاداری کا ثبوت ہوگا۔جب بھی ترکیہ کو آزمائش کی گھڑیوں سے گزرنا پڑا پاکستان ہمیشہ ساتھ کھڑا رہا ہے, ہم پر فرض ہے کہ ہم آخری سانس تک برادر ملک پاکستان اور اس کے لوگوں کے ساتھ اسی جذبے، خلوص اور وفاداری کے ساتھ کھڑے رہیں"۔
ترکیہ کی گریٹ یونین پارٹی کے لیڈر مصطفیٰ دستجی نے یہ بھی کہا کہ " ترکیہ کو یہ یقینی بنانے کے لیے اقدامات کرنا ہوں گے کہ محاذ آرائی پاکستان اور بھارت کے درمیان جنگ کے اس مقام تک نہ بڑھے۔ترکی کو اپنے برادر ملک پاکستان کے ساتھ کھڑا ہونا چاہیے"۔
دوسری جانب سیاسی تجزیہ کاروں نے کہا ہے کہ ترکیہ یونین پارٹی کے مصطفیٰ دستجی کی جانب سے پاکستان کی حمایت خارجہ پالیسی کی کامیابی ہے،ترکیہ کا پاکستان کے ساتھ کھڑا ہونے کا عزم ثابت کرتا ہے کہ اسلامی ممالک بھارت کی پالیسی سے نالاں ہیں، اسلامی ممالک بھارت کے مقبوضہ کشمیر میں مسلمانوں پر مظالم سے خوش نہیں۔