فنکاروں کے درمیان مقابلہ خوب رہا

فنکاروں کے درمیان مقابلہ خوب رہا

پاکستان میں ٹین پن کے فروغ کے لئے جو اقدامات کئے جارہے ہیں وہ قابل تعریف ہیں کسی بھی کھیل میں ترقی کیلئے اس کو ملک میں فروغ دینا بہت ضروری ہے اس طرح نئے ٹیلنٹ کو منظر عام پر آنے کاب ھرپور موقع ملتا ہے اور وہ اپنی بھرپور صلاحیتوں کا مظاہرہ کرتے ہوئے اس کھیل میں مہارت سے شہرت کا باعث بنتا ہے اس کھیل کو بھی دیگر کھیلوں کی طرح اگر ملک میں فروغ دیا جائے تو جس طرح اس کو دیگر ممالک میں پذیرائی حاصل ہے اسی طرح پاکستان میں بھی ضرور ہوجائے گی اس حوالے سے اپ ٹاؤن ایلے لاہور ڈیفنس بہت اہم کردار ادا کررہا ہے یہ لاہور کا واحد ایسا ایلے ہے جہاں پر اس کھیل کو نہ صرف فروغ دینے کیلئے اقدامات کئے جارہے ہیں بلکہ یہاں پر انٹرنیشنل سطح کی سہولیات بھی دستیاب ہیں یہاں پر کھیلنے کے لئے آنے والے کھلاڑی یہاں پر کئے گئے انتظامات سے مطمئن ہیں باقاعدہ طور پر ایونٹس کا انعقاد ہوتا ہے جس میں مختلف کالجز کے طلباء و طالبات بھرپور شرکت کرتے ہیں اور اس کھیل میں اپنے شوق کی تکمیل کرتے نظر آتے ہیں اس طرح ان میں موجود ٹیلنٹ بھی منظر عام پر آتا ہے اب تک بے شمار ایونٹس کا انعقاد ہوچکا ہے جس میں انعامات بھی تقسیم کئے جاتے ہیں جس سے ان ایونٹس میں شریک کھلاڑیوں کی بھرپور حوصلہ افزائی ہوتی ہے اور ان میں مزید آگے بڑھنے کا جوش و جذبہ پیدا ہوتا ہے اس حوالے سے گفتگو کرتے ہوئے مسز ناہید جعفری نے بتایا کہ ہم اپنا کردار بھرپور انداز میں ادا کررہے ہیں اور ہمارا مقصد نہ صرف مردکھلاڑیوں کو منظر عام پر لیکر آنا ہے بلکہ اس کے ساتھ ساتھ خواتین کو بھی ہم منظرعام پر لانے کے لئے اپنا کردار ادا کررہے ہیں اور یہ بہت خوش آئند بات ہے کہ پاکستان میں اس کھیل میں خواتین میں بھی بہت ٹیلنٹ موجود ہے او ر ہم انکی بھرپور حوصلہ افزائی کررہے ہیں ایسی اکیڈمیاں ہونی چاہئیے جو نچلی سطح سے اس کھیل کو فروغ دیں تاکہ پوری دنیا میں اس کھیل میں پاکستان کا نام بھی روشن ہوسکے انہوں نے مزید کہا کہ ہم اس کھیل کی ترقی کیلئے مستقبل میں بھی اقدامات اسی طرح کرتے رہینگے اور اس کھیل کو جب تک ہم عروج پر نہیں لیکر جاتے ہم اس مقصد کو پورا کریں گے گزشتہ دنوں منعقد ایونٹ میں مختلف شوبز سے وابستہ افراد نے شرکت کی اور اس کھیل میں اپنی صلاحیتوں کا مظاہرہ کیا ان میں نامور اداکارہ مایا علی کا نام قابل ذکر ہیں جنہوں نے اس کھیل میں بھرپور حصہ لیا اور ایونٹ اپنے نام کرلیا اس موقع پر انہوں نے اظہار خیال کرتے ہوئے کہاکہ مجھے اس کھیل کا بہت شوق ہے اور میں نے اس ایونٹ میں شرکت کرکے بہت انجوائے کیا میں اس کو ہمیشہ یاد رکھوں گی اس کھیل میں موجود ٹیلنٹ کو ہم اسی طرح منظر عام پر لاسکتے ہیں کہ ان کو کھیلنے کے زیادہ سے زیادہ مواقع فراہم کئے جائیں امید ہے کہ یہ سلسلہ اسی طرح مستقبل میں بھی جاری رہے گا اور اس کھیل میں موجود ٹیلنٹ کو اس کا بھرپور فائدہ حاصل ہوگا۔

***

مزید : ایڈیشن 1