وزیراعظم عمران خان نے کرتار پورراہداری کے افتتاح کے دن سکھ یاتریوں کو سب سے بڑی سہولت دینے کا اعلان کر دیا

وزیراعظم عمران خان نے کرتار پورراہداری کے افتتاح کے دن سکھ یاتریوں کو سب سے ...
وزیراعظم عمران خان نے کرتار پورراہداری کے افتتاح کے دن سکھ یاتریوں کو سب سے بڑی سہولت دینے کا اعلان کر دیا

  



اسلام آباد(ڈیلی پاکستان آن لائن ) وزیراعظم عمران خان نے بھارت سے آنے والے سکھ یاتریوں کے لیے خصوصی رعایت کا اعلان کردیا ہے ۔

مائیکروبلاگنگ ویب سائٹ ٹوئٹر پر جاری بیان میں وزیراعظم عمران خان نے کہا کہ بھارت سے کرتارپور آنے والے سکھ یاتریوں کو پاسپورٹ کی ضرورت نہیں ہوگی اس کے لیے صرف درست شناخت ہونا چاہیے۔وزیراعظم عمران خان کا کہنا تھا کہ سکھ یاتریوں کو کرتار پور آنے کے لیے دس دن پہلے رجسٹریشن بھی نہیں کروانا پڑے گی۔وزیراعظم عمران خان نے مزید کہا کہ بابا گرونانک کے 550 ویں جنم دن اور کرتارپور راہداری کے افتتاح کے موقع پر سکھ یاتریوں سے کوئی فیس وصول نہیں کی جائے گی۔

یاد رہے کہ وزیراعظم عمران خان کرتارپور راہداری کا باضابطہ افتتاح 9 نومبر کو کریں گے جس میں بھارت سے بھی کئی اہم شخصیات شرکت کریں گی۔

مزید : اہم خبریں /قومی