انٹر بینک میں ڈالر کی قیمت میں اضافہ ہو گیا

انٹر بینک میں ڈالر کی قیمت میں اضافہ ہو گیا
انٹر بینک میں ڈالر کی قیمت میں اضافہ ہو گیا

  



کراچی(ڈیلی پاکستان آن لائن ) کاروباری ہفتے کے آخری روز انٹر بینک مارکیٹ میں ڈالر کی قدر میں 10 پیسے اضافہ ہوا ہے۔

تفصیلات کے مطابق انٹر بینک مارکیٹ میں ڈالر کی قدر میں دس پیسے اضافہ ہواہے جس کے بعد ڈالر 155 روپے 70 پیسے سے بڑھ کر 155 روپے 80 پیسے کا ہو گیاہے ۔جمعرات کو ڈالر گزشتہ چھ ماہ کی اپنی نچلی ترین سطح پر پہنچ گیا تھا۔ اس دوران ڈالر کی قیمت میں مجموعی طور پر آٹھ روپے 30 پیسے کی کمی ہوئی تھی۔

2019 میں ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔اپریل 2019 میں ڈالر چھلانگ لگا کر 141 روپے 50 پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔اگست 2019 میں روپے نے ڈالر کا جم کر مقابلہ کیا اور ڈالر 157.20 روپے تک پہنچ گیا۔ستمبر 2019 کے اختتام پر ڈالر کی قیمت میں مزید کمی واقع ہوئی اور یہ 156.40 روپے پر پہنچ گیا۔

مزید : بزنس