تحریک لبیک کیساتھ معاملہ خوش اسلوبی اور افہام و تفہیم سے حل ہونا خوش آئند: عثمان بزدار

تحریک لبیک کیساتھ معاملہ خوش اسلوبی اور افہام و تفہیم سے حل ہونا خوش آئند: ...

  

لاہور(خصوصی رپورٹ) وزیراعلیٰ پنجاب سردار عثمان بزدار نے کہاکہ تحریک لبیک کیساتھ معاملہ خوش اسلوبی اور افہام و تفہیم سے حل ہونا خوش آئند ہے-پاکستان کی خاطر ہر ایک نے تدبر اورحکمت کا مظاہرہ کیا-دین اسلام میں بھی ڈائیلاگ کے ذریعے معاملات کو حل کرنے پر زور دیاگیاہے-فہم و فراست سے معاملے کاحل ہونا پاکستان کی فتح ہے-وزیراعلیٰ نے کہاکہ اللہ تعالیٰ کے فضل وکرم سے اب حالات بہتری کی طرف جائیں گے- تشدد یا احتجاج سے معاشرے میں بگاڑ پیدا ہوتا ہے- سردار عثمان بزدار نے کہاہے کہ پی ڈی ایم کو نازک موقع پر منفی سیاست زیب نہیں دیتی۔یہ وقت سیاسی پوائنٹ سکورنگ کا نہیں بلکہ اتحاد اور اتفاق کا ہے - انہوں نے کہاکہ موجودہ حالات میں اپوزیشن جماعتوں کو ذمہ داری کا مظاہرہ کرنا چاہیے - سب سے پہلے ہم سب کے لئے پاکستان کا مفاد مقدم ہے اور یہ مقدم رہے گا- افسوس کا مقام ہے کہ اپوزیشن جماعتیں موجودہ حالات میں بھی سیاسی دکانداری چمکا رہی ہیں - جلسے جلوسوں سے ملک کو آگے لے کر نہیں جایاسکتا۔موجودہ حالات میں انتشار کی سیاست کی کوئی گنجائش نہیں۔ اپوزیشن جماعتوں کو ذاتی مفادات کو بالائے طاق رکھ کر قومی مفادات کو ترجیح دینی چاہیئے - اپوزیشن جماعتوں کا منفی رویہ قومی مفادات سے متصادم ہے۔ سردار عثمان بزدارکی خصوصی ہدایت پر شہریوں کو گھر کی دہلیز پر کورونا ویکسی نیشن کی مہم جاری ہے-وزیراعلی عثمان بزدار نے کہا ہے کہ روزانہ 10لاکھ افراد کو ویکسین لگانے کی خصوصی مہم کامیابی سے جاری ہے۔پنجاب میں 18 ہزار ٹیمیں تشکیل دی گئی ہیں۔یہ خصوصی ٹیمیں گھر گھر پہنچ رہی ہیں، شہری سہولت سے فائدہ اٹھائیں۔شہری ویکسین لگوا کر شہری اپنی اور اپنے پیاروں کی زندگیوں کو کورونا سے محفوظ بنائیں۔شہریوں کو ان کی دہلیز پر کورونا ویکسینیشن کی خصوصی مہم 12 نومبر تک جاری رہے گی۔انہوں نے کہاکہ پنجاب کو کورونا کے باعث بڑے پیمانے پر جانی و مالی نقصان کا سامنا کرنا پڑا ہے۔جانی و مالی نقصان سے بچنے کیلئے ویکسینیشن اور احتیاط ضروری ہے۔خصوصی ٹیمیں ہر محلے اور گاؤں میں جا کر مفت ویکسین لگا رہی ہیں۔ ضلعی انتظامیہ اور ڈسٹرکٹ ہیلتھ اتھارٹیز اس مہم کو کامیاب بنانے کیلئے متحرک ہیں۔ وزیراعلیٰ نے کہاکہ عوام سے اپیل ہے کہ ویکسین لازمی لگوائیں۔

عثمان بزدار

مزید :

صفحہ اول -