ٹی20 ورلڈ کپ، مشکلات کے باوجود قومی ٹیم کے جذبے بلند

 پاکستان کرکٹ ٹیم ٹی20 ورلڈ کپ میں سیمی فائنل تک رسائی کے لئے میچز کھیلنے میں مصروف ہے قومی ٹیم اس وقت مشکلات کا شکار نظر آرہی ہے ٹیم کے لئے سیمی فائنل تک رسائی آسان ٹارگٹ نہیں رہا ٹیم اب تک ایونٹ میں تین میچ کھیل کر دو میں ناکامی کا سامنا کرچکی ہے جبکہ ایک میچ نیدرلینڈز سے جیتنے میں کامیاب ہوئی ہے جبکہ ٹیم نے ابھی اپنے دو میچ جنوبی افریقہ اور بنگلہ دیش سے کھیلنا ہیں ان دونوں میچوں میں کامیابی کے بعد بھی قومی ٹیم کا سیمی فائنل تک رسائی کا سفر آسان نہیں ہے لیکن اس کے باوجود قومی کھلاڑیوں کا جوش و جذبہ کم نظر نہیں آرہا ٹیم اگلے مرحلے تک رسائی کے لئے پر امید ہے پاکستان اپنے گروپ میں اس وقت پانچویں نمبر پر ہے جبکہ اس گروپ کی دو ٹیموں نے سیمی فائنل میں رسائی حاصل کرنی ہے پاکستان کو بھارت اور زمبابوے کے ہاتھوں شکست کا سامنا کرنا پڑا جس کے باعث آج پاکستانی کرکٹ ٹیم کو مشکلات کاسامنا ہے لیکن اس کے باوجود بھی ٹیم کے ابھی سیمی فائنل تک رسائی کے امکانات کم ضرور ہیں لیکن ختم نہیں ہوئے ہیں پاکستان کے گروپ میں اس وقت نیوزی لینڈ کی ٹیم سیمی فائنل تک رسائی حاصل کرنے کے لئے فیورٹ ہے جبکہ بھارت، بنگلہ دیش اور زمبابوے اور پاکستان میں سے ایک ٹیم کا انتخاب ہونا باقی ہے اگر پاکستان ٹیم اپنے دونوں میچ جیت جاتی ہے اور بھارت اور بنگلہ دیش اور زمبابوے کی ٹیموں کو اگلے میچوں میں شکست کا سامنا کرنا پڑتا ہے تو اس سے پاکستان سیمی فائنل تک رسائی حاصل کرسکتا ہے صورتحال اس وقت اگر اور مگر کے چکر میں ہے پاکستان نے تین نومبر کو جنوبی افریقہ سے میچ سڈنی میں کھیلنا ہے جس کے لئے کھلاڑی بھرپور محنت کررہے ہیں یہ میچ پاکستا ن کے ٹورنامنٹ میں رہنے یا باہر ہونے کا فیصلہ کردے گاآسٹریلیا میں مقیم پاکستانی کرکٹ شائقین بھی اس وقت بے چینی کا شکار نظر آرہے ہیں بھارت اور زمبابوے سے میچ میں شکست کے بعد وہ کافی اداس نظر آئے سٹیڈیم میں انہوں نے مایوسی کا اظہار کیا لیکن اس کے باوجود وہ پر امید ہیں کہ وہ پاکستان کی کرکٹ ٹیم کوا گلے مرحلے میں ضرور دیکھیں گے۔