کریڈٹ کارڈز سے خریداری میںاضافہ 

                                                            اسلام آباد(اے پی پی)کریڈٹ کارڈزکے ذریعے خریداری کے رجحان میں ستمبر کے دوران سالانہ اور ماہانہ بنیادوں پر اضافہ ریکارڈکیا گیا ہے ۔ سٹیٹ بینک کی جانب سے اس حوالے سے جاری کردہ اعدادوشمار کے مطابق اگست 2023میں کریڈٹ کارڈز کے ذریعے صارفین نے 103 ارب روپے کی خریداری کی جو گزشتہ سال اسی مدت کے مقابلہ میں 33.3 فیصد زیادہ ہے۔ گزشتہ سال کریڈٹ کارڈ کے ذریعے صارفین نے 77ارب روپے کی خریداری کی ۔ جولائی کے مقابلہ میں اگست میں کریڈٹ کارڈز کے ذریعے خریداری کے رجحان میں 5.2فیصد کی شرح سے نمو ہوئی۔ جولائی میں صارفین نے کریڈٹ کارڈزکے ذریعے 98 ارب روپے کی خریداری کی جو بڑھ کر 103ارب روپے ہو گئی۔