ایل پی جی کی قیمت میں 10روپے فی کلو کمی ، گھریل سلنڈر 117روپے ستا ہو گیا
کراچی(آئی این پی) اوگرا نے ایل پی جی (مائع قدرتی گیس)کی قیمت میں 10روپے فی کلو کمی کردی۔ آئل اینڈ گیس ریگولیٹری اتھارٹی (ا وگرا)نے ماہ نومبر 2023کیلئے ایل پی جی کی قیمت میں کمی کا نوٹیفیکیشن جاری کر دیا۔نوٹیفکیشن کے مطابق ایل پی جی کے گھریلو سلنڈر کی قیمت117 روپے اور کمرشل سلنڈر کی قیمت 452روپے کم کی گئی ہے۔کمی کے بعدایل پی جی 261 کے بجائے 251روپے فی کلو، گھریلو سلنڈر3080روپے کے بجائے 2962روپے اور کمرشل سلنڈر11849 روپے سے کم ہوکر 11397روپے میں دستیاب ہوگا۔ایل پی جی کی سرکاری پیداواری قیمت میں 8437 روپے فی میٹرک ٹن کمی کی گئی ہے۔اوگرا کے مطابق ڈالر کی قیمت کنٹرول ہونے کے باعث ایل پی جی کی قیمت میں کمی ہوئی ہے جبکہ انٹرنیشنل مارکیٹ میں ایل پی جی کے نرخوں میں اضافہ ہوا ہے۔
ایل پی جی
