سائفر کیس ، عمران خان کیخلاف مزید 5گواہ پیش ، بیانات ریکارڈ نہ ہو سکے ، سماعت 7نومبر تک ملتوی
راولپنڈی( مانیٹرنگ ڈیسک ، نیوز ایجنسیاں ) وفاقی تحقیقاتی ادارے (ایف آئی اے) نے سائفر کیس میں مزید 5 گواہان کو عدالت میں پیش کردیا۔راولپنڈی کی اڈیالہ جیل میں سائفر سے متعلق کیس کی سماعت خصوصی عدالت کے جج ابوالحسنات ذوالقرنین نے کی جس دوران کمرہ عدالت میں پی ٹی آئی چیئرمین عمران خان، شاہ محمود قریشی ، سرکاری وکلا عمر اشتیاق، محمد شرجیل، ایف آئی اے، وفاقی حکومت کے اسپیشل پراسیکیوٹر اور طلب کردہ 5 سرکاری گواہان بھی کمرہ عدالت میں موجود تھے۔ذرائع کے مطابق سماعت کے دوران سرکاری گواہان کے بیانات کمرہ عدالت میں ریکارڈ کرنے کا باقاعدہ آغاز ہوا اور اس دوران ایف آئی اے ٹیم نے مزید 5 گواہان کو پیش کیا۔ سائفرکیس میں 10سرکاری گواہان کی کمرہ عدالت میں حاضری لگائی گئی جب کہ پیش کیے جانے والے گواہان میں عمران سجاد، عقیل حیدر، شمعون قیصر، ایم افضل ، نادرخان، اقرا اشرف، فرخ عباس، حسیب بن عزیز، شبیر اورخوشنود شامل تھے۔ذرائع نے بتایا کہ سرکاری پراسیکیوٹر رضوان عباسی اور سردار شوکت نے گواہان کے بیانات ریکارڈ کرائے تاہم کمرہ عدالت میں موجود گواہان کے مکمل بیانات قلمبند نہیں ہوسکے ہیں ، آئندہ سماعت پر جرح اور گواہان کے تفصیلی بیانات قلمبند کیے جائیں گے۔بعد ازاں وکلا صفائی کی جانب سے سماعت ملتوی کرنےکی استدعا پر عدالت نے کیس کی سماعت 7 نومبر تک ملتوی کردی۔احتساب عدالت نے سابق خاتون اول بشری بی بی کی توشہ اور 190 ملین پانڈ سکینڈل کیس میں 15 نومبر تک توسیع کردی۔ اسلام آباد کی احتساب عدالت میں چیئرمین پی ٹی آئی کی بشری بی بی کیخلاف توشہ خانہ اور 190 ملین پانڈ سکینڈل کیس میں ضمانت کی درخواست پر سماعت ہوئی، احتساب عدالت کے جج محمد بشیر نے سماعت کی۔ نیب پراسکیوٹر نے عدالت میں بیان دیا کہ بشری بی بی نے تیسری بار درخواست ضمانت دائر کی ہے جبکہ گزشتہ 2 بار ضمانتوں کی درخواست نمٹا دی گئی تھی اور نیب نے کہا بھی تھا کہ بشری بی بی کی گرفتاری مطلوب نہیں، انہوں نے ایک ہی گرانڈ پر دربارہ درخواست ضمانت دائر کردی ہے۔ بشری بی بی کے وکیل نے عدالت میں استدعا کی کہ بشری بی بی کو کم از کم نوٹس تو پہلے دیا جائے۔ نیب کے تفتیشی افسر نے اپنا بیان احتساب عدالت میں جمع کروایا، جس میں کہا کہ بشری بی بی کی گرفتاری مطلوب نہیں ہے جس پر بشری بی بی کے وکیل نے موقف اختیار کیا کہ بشری بی بی کے خلاف مقدمات بنانے کی کوشش کی جارہی ہے۔ بعدازاں اسلام آباد کی احتساب عدالت نے بشری بی بی کی دونوں مقدمات میں ضمانت میں 15 نومبر تک توسیع کرتے ہوئے کیس کی مزید سماعت ملتوی کردی۔
سائفر کیس
