عمران خان نے کہا مجھے سلو پوائزننگ ہو رہی ہے،وکیل پی ٹی آئی

راولپنڈی (این این آئی) تحریک انصاف کے وکیل آفتاب باجوہ نے کہا ہے کہ عمران خان نے کہا ہے مجھے سلو پوائزننگ ہو رہی ہے، ہم درخواست کریں گے ڈاکٹرز کی ٹیم ان کا معائنہ کریں میڈیا سے گفتگو کرتے ہوئے آفتاب باجوہ نے کہا کہ سائفر سے متعلق دستاویزات نہیں دی گئیں، تمام دستاویزات فائلز میں ہیں عدالت نے ہمارے ساتھ بہت تعاون کیاعمران خان نے کہا کہ مجھے گھر کا کھانا نہیں دیا جا رہا ہمیں اوپن فارم میں ملاقات کرائی جائے، عدالتی حکم کے باوجود ہماری ملاقات بند کمرے میں کرائی گئی پی ٹی آئی چیئرمین نے کہا ہمیں سابق وزیراعظم والی سہولتیں نہیں دی جا رہیں چیف جسٹس پاکستان سے مطالبہ ہے ہمیں انصاف فراہم کیا جائے اس موقع پر گفتگو کرتے ہوئے پی ٹی آئی کے وکیل بیرسٹر عمیر نیازی نے کہا کہ سائفر کیس کی سماعت 7 نومبر تک ملتوی کر دی گئی سماعت کےلئے 9 گواہان پہنچے، منگل نومبر کو کیس پر مزید بات ہو گی، عدالتی وقت 9بجے تھا اور پراسیکیوٹر صاحب 11 بجے عدالت تشریف لائے، ہم کہے چکے ہیں جو بیان ریکارڈ ہو گا اس کی کاپی ہمیں فراہم کی جائے کونسل میٹنگ ہمارے مطابق نہیں کرنے دی گئی آئندہ سماعت پر پہلے موکل کےساتھ میٹنگ ہو گی پھر 10 بجے عدالتی عمل شروع ہو گا، چیئرمین پی ٹی آئی کے ساتھ کھلے ماحول میں ملاقات کرنا چاہ رہے ہیں، انتہائی حساس معاملہ ہے، ہمیں تحفظات ہیں کہ ہماری باتیں کوئی اور سن رہا ہے9 مئی کا بہانہ بنا کر مقبول جماعت کو دیوار سے لگانے کی کوشش کی جا رہی ہے، چیئرمین پی ٹی آئی سے ہمیں سازگار ماحول میں بات کرائی جائے، وہ سائفر کیس میں لندن پلان کی بات کر رہے ہیں، اس پر اتنے بند ماحول میں بات نہیں کی جا سکتی۔

وکیل پی ٹی آئی