محمد شہزاد کو ریڈیو پاکستان کا  ڈائریکٹر جنرل تعینات کرنے کےلئے الیکشن کمیشن سے این او سی طلب

لاہور(فلم رپورٹر)وزارت اطلاعات و نشریات نے گریڈ 20کے افسر محمد شہزاد کو ریڈیو پاکستان کے ڈائریکٹر جنرل کے عہدہ پر تعینات کرنے کے لئے الیکشن کمیشن آف پاکستان سے این او سی طلب کرلیا ہے محمد شہزاد ان دنوں پرائم منسٹر آفس میں بطور جوائنٹ سیکرٹری تعینات ہیں ۔واضح رہے کہ کچھ عرصہ قبل مختلف شکایات موصول ہونے کے بعد طاہر حسن خان کو ڈائریکٹر جنرل کے عہدہ سے ہٹا کر ان کی جگہ ایکسٹرنل پبلیسٹی ونگ میں بطور ایگزیکٹو ڈائریکٹر جنرل فرائض انجام انجام دینے والی عنبرین جان کو ڈائریکٹر جنرل ریڈیو پاکستان کا اضافی چارج دے گیا تھا۔ وزارت اطلاعات و نشریات نے الیکشن کمیشن سے پوسٹنگ کے منتظرگریڈ 21کے افسرسید مبشرتوقیر شاہ کو ایگزیکٹو ڈائریکٹر جنرل ڈائریکٹوریٹ آف الیکٹرانک میڈیا اینڈ پبلیکیشنز ،طارق محمود گریڈ 21کو ایگزکٹو ڈائریکٹر جنرل پریس انفارمیشن ڈیپارٹمنٹ ،طاہر حسین گریڈ 20آفیسر آن سپیشل ڈیوٹی ،عمرانہ وزیر گریڈ 20منسٹری آف انفارمیشن کی جوائنٹ سیکرٹری،عبدل اکبر گریڈ20رجسٹرار پریس کونسل آف پاکستان اور شفقت عباس گریڈ20کو جوائنٹ سیکرٹری پرائم منسٹر ہاﺅس تعیناتی کی منظوری بھی مانگ لی ہے۔

 محمد شہزاد