کورئین وفد کا ایم ڈی اے آفس کا دورہ، ملاقاتیں
ملتان(نیوز ر پورٹر) کوریئن ایجنسی KOICA کے چیف پریزیڈنٹ جے ہو یون نے وفد کے ہمراہ ایم ڈی اے ہیڈ آفس کا دورہ کیا کانفرنس روم میں اجلاس۔ اجلاس کی صدارت ڈائریکٹر جنرل ایم ڈی اے ڈاکٹر محمد زاہد اکرام نے کی ،ایڈیشنل ڈائریکٹر جنرل ایم ڈی اے آصف اقبال،ایم ڈی واسا چوہدری دانش سمیت دیگر آفیسران اجلاس میں موجود تھے ۔اجلاس میں (بقیہ نمبر23صفحہ6پر )
بارش کے سیزن میں ملتان شہر کے نشیبی علاقوں میں جمع ہونے والےپانی کی نکاسی کے لئے مختلف تجاویز پر غور کیا گیا۔ ڈائریکٹر جنرل ایم ڈی اے ڈاکٹر محمد زاہد اکرام نے وفد کو بتایا کہ ملتان کے نشیبی علاقوں میں بارشوں کے دوران نشیبی جگہوں پر پانی جمع ہونے سے مختلف مسائل پیدا ہوتے ہیں۔واسا کی زیادہ تر مشینری ان نشیبی علاقوں کا پانی نکالنے میں مصروف ہو جاتی ہے۔جس کی وجہ سے شہر کے دوسرے علاقے متاثر ہوتے ہیں۔ اجلاس میں تجویز دی گئی ہے کہ ان نشیبی علاقوں میں پانی کو ایک جگہ سٹور کیا جائے اور اس پانی کو پارکس اور گرین بیلٹس میں استعمال کیا جائے ۔KOICA کے چیف پریزیڈنٹ نے بتایا کہ اس پروجیکٹ پر آنے والے تمام تر اخراجات ان کی ایجینسی برداشت کرے گی۔ انہوں نے مزید کہا کہ ملتان کے شہریوں کو سیلابی صورتحال سے بچانے کے لئے مختلف پروجیکٹس زیر غور ہیں۔KOICA اور واسا کی ٹیمیں مختلف تجاویز پر سروے کر رہی جس کے بعد فائنل تجویز پر کام جاری کر دیا جائے گا۔اجلاس کے اختتام میںKOICA کے چیف پریزیڈنٹ کی طرف سے ڈائریکٹر جنرل ایم ڈی اے ڈاکٹر محمد زاہد اکرام اور ایم ڈی واسا چوہدری دانش کو گفٹ پیش کئے
