پروٹیکٹڈ صارفین کیلئے ماہانہ گیس بل 900روپے سے زیادہ نہیں ہوگا : پٹرولیم ڈویژن 

                                                            اسلام آباد (این این آئی) پٹرولیم ڈویژن نے بتایا ہے کہ پروٹیکٹڈ صارفین کیلئے ماہانہ گیس بل 900روپے سے زیادہ نہیں ہو گا ۔تفصیلات کے مطابق وفاقی حکومت کی جانب سے گیس قیمتوں میں اضافے کی منظوری کے بعد پیٹرولیم ڈویژن نے اعلامیہ جاری کر دیا ہے جس کے مطابق نئی قیمتوں کا اطلاق یکم نومبر سے ہو گا۔اعلامئے میں کہا گیا ہے کہ گھریلو صارفین کیلئے گیس کی قیمت میں 172فیصد کا اضافہ کیا گیا ہے تاہم پروٹیکٹڈ صارفین کےلئے ماہانہ بل 900روپے سے زیادہ نہیں ہو گا۔اعلامیہ کے مطابق آئی ایم ایف پروگرام کے تحت بجٹ میں سبسڈی ختم کر دی گئی ہے، مہنگی گیس سستے داموں دینے سے ہر سال 400ارب کا گردشی قرضہ بڑھ رہا ہے۔ پیٹرولیم ڈویژن نے کہا ہے کہ شمال اور جنوب کی انڈسٹری کےلئے بھی فرق کو کم کر دیا گیا ہے۔

پٹرولیم ڈویژن