فیض آباد دھرنے کے ماسٹر مائنڈ جنرل (ر) فیض حمید ہیں، خواجہ آصف
اسلام آباد (ڈیلی پاکستان آن لائن)پاکستان مسلم لیگ (ن) کے رہنما اور سابق وزیر دفاع خواجہ آصف کا کہنا ہے کہ فیض آباد دھرنے کے ماسٹر مائنڈ جنرل ریٹائرڈ فیض حمید ہیں۔
ایک پروگرام میں گفتگوکرتے ہوئے ان کا کہنا تھا کہ دھرنے والوں کے ساتھ معاہدے میں جنرل فیض حمید کے بطور گواہ دستخط اور دھرنے والوں کو پیسے دینے کے واقعات واضح کرتے ہیں کہ ماسٹر مائنڈ جنرل فیض ہی تھے۔کیا ہم میں اتنا دم تھا کہ فیض آباد دھرنا کیس پر عمل کرواتے، فیض آباد دھرنے میں جو لوگ ملوث تھے وہ ہماری حکومت میں حکمران تھے۔
رہنما مسلم لیگ (ن) نے یہ بھی کہا کہ ان شااللّٰہ جنوری کے آخری ہفتے میں عام انتخابات ہو جائیں گے۔
روزنامہ پاکستان کا واٹس ایپ چینل جوائن کرنے کیلئے یہاں کلک کریں۔
 فیض حمید ہیں، خواجہ آصف){kind=link}