رواں سال1 لاکھ 96 ہزار سے زائد ملزمان کو گرفتار کیاگیا
لاہور (کر ائم رپو رٹر) پنجاب پولیس نے رواں سال جرائم کی مختلف وارداتوں میں مطلوب 01 لاکھ 96 ہزار سے زائد مجرمان کو گرفتار کیا رواں سال لاہور سمیت صوبہ بھر میں مجموعی طور پر 01 لاکھ 11 ہزار 289 اشتہاری مجرمان گرفتار ہوئے، دوران آپریشنز 26 ہزار 864 ٹارگٹ آفینڈرز عادی مجرم بھی گرفتار ہوئے۔ اے کیٹیگری کے 11605، بی کیٹیگری کے 15259 ٹارگٹ آفینڈرز شامل ہیں۔ سنگین جرائم میں مطلوب 86 اشتہاریوں کو متحدہ عرب امارات، یورپ اور امریکہ سمیت دیگر ممالک سے گرفتار کرکے پاکستان منتقل کیا گیا۔ صوبائی دارالحکومت لاہور میں 59 ہزار مجرمان گرفتار کئے۔
،جن میں 22031 اشتہاری مجرمان، 25808 عدالتی مفرور اور 11572 ٹارگٹ آفینڈرز عادی مجرم شامل ہیں۔ آئی جی پنجاب ڈاکٹر عثمان انور نے کامیاب کاروائیوں پر پولیس ٹیموں کو شاباش دی اور کریک ڈاؤن مزید تیز کرنے کا حکم دیتے ہوئے کہاکہ موثر تفتیش سے مقدمات کو جلد مکمل کرتے ہوئے مجرمان کو قرار واقعی سزائیں دلوائی جائیں۔ آر پی اوز، ڈی پی اوز خطرناک مجرمان کے خلاف کریک ڈاؤن اور ٹارگٹڈ آپریشنز کی خود نگرانی کریں۔
