لاہور (ڈیلی پاکستان آن لائن) ماضی کی معروف سٹیج اداکارہ نرگس پر ان کے شوہر انسپکٹر ماجد بشیر کے مبینہ تشدد کی خبر اس وقت ہرزبان پر ہے۔
ایسے میں اداکارہ کی ایک ویڈیو سوشل میڈٖیا پر وائرل ہے جس میں وہ اپنے جسم پر موجود زخموں کو دکھارہی ہیں۔
ویڈیو دیکھیں۔۔↓
اداکارہ کی جانب سے شوہر پر سنگین الزامات عائد کیے گئے ہیں،ایف آئی آر کے متن کے مطابق، نرگس نے بتایا کہ آج صبح نماز فجر کے بعد ان کا خاوند ماجد بشیر گھر آیا اور بھاری رقم کا مطالبہ کرتے ہوئے کہا کہ وہ ایک خاتون مریم کو گھر لانا چاہتا ہے۔ نرگس کے انکار پر ان کے درمیان جھگڑا شروع ہو گیا۔ ایف آئی آر میں یہ بھی ذکر کیا گیا ہے کہ ماجد بشیر نے ان کے بھانجے عمر فاروق کے سامنے پستول نکال کر نرگس کے چہرے پر بٹ مارنا شروع کر دیا۔