ہائیکورٹ کا دفاتر اور تعلیمی اداروں میں سگریٹ نوشی پر پابندی پر سختی سے عمل کا حکم،ڈی جی سوشل ویلفیئر کل ذاتی حیثیت میں طلب

ہائیکورٹ کا دفاتر اور تعلیمی اداروں میں سگریٹ نوشی پر پابندی پر سختی سے عمل ...
ہائیکورٹ کا دفاتر اور تعلیمی اداروں میں سگریٹ نوشی پر پابندی پر سختی سے عمل کا حکم،ڈی جی سوشل ویلفیئر کل ذاتی حیثیت میں طلب

  

لاہور(ڈیلی پاکستان آن لائن) ہائی کورٹ نے پنجاب کے سرکاری دفاتر اور تعلیمی اداروں میں سگریٹ نوشی پر پابندی کے قوانین پر سختی سے عملدرآمد کا حکم دے دیا،عدالت نے ڈی جی سوشل ویلفیئر کو بھی کل ذاتی حیثیت میں طلب کرلیا۔

تفصیلات کے مطابق لاہور ہائی کورٹ کے جسٹس علی اکبر قریشی نے اظہر صدیق ایڈوووکیٹ کی درخواست پر سماعت کی۔ جس میں سگریٹ نوشی پر پابندی کے قوانین کی پاسداری نہ کرنے کی نشاندہی دہی کی گئی۔درخواست گزار وکیل کے مطابق پبلک آفس اور تعلیمی داروں میں سگریٹ نوشی کی جاتی ہے تعلیمی اداروں میں سگریٹ نوشی سے بچوں کی صحت برا اثر پڑتا ہے اور تعلیمی اداروں میں سگریٹ نوشی کی عادت منشیات میں بدل رہی ہے۔

درخواست گزار نے اعتراض اٹھایا کہ پبلک آفسز میں تمباکو نوشی کرنے سے بیماریاں پھیل رہی ہے اس لیے دفاتر اور تعلیمی اداروں میں سگریٹ نوشی پر پابندی پر عمل درآمد کو یقینی بنانے کا حکم دے۔ ہائی کورٹ نے ڈی جی سوشل ویلفیئر کو بھی کل ذاتی حیثیت میں طلب کرلیا۔ لاہور ہائی کورٹ نے پنجاب کے پبلک آفس اور تعلیمی اداروں میں سگریٹ نوشی پر پابندی کے قوانین پر سختی سے عملدرآمد کا حکم دےدیا اور ہدایت کی کہ چیف سیکرٹری پنجاب آج ہی میٹنگ کرکے پابندی کے حوالے سے کل تک اداروں کو نوٹسز جاری کریں۔

مزید : قومی /علاقائی /پنجاب /لاہور