حکومت گرفتاریوں سے سیاسی ماحول خراب کر رہی ہے
اے این پی کے مرکزی رہنما غلام بلور نے کہا ہے کہ جب اپوزیشن کو اسمبلی میں بولنے کا موقع نہیں دیا جائے گا سپیکر حکومت کی سائیڈ لے گا تو پھر مجبوری میں اپوزیشن عوامی رابطہ مہم ہی شروع کرے گی اسی لئے ہم نے اے پی سی کے تحت جلسے جلوس کرنے کا فیصلہ کیا ہے تاکہ عوامی آواز کو اٹھایا جا سکے مگر حکومت اپوزیشن کے لوگوں کو گرفتار کرکے سیاسی ماحول کو خراب کررہی ہے۔وہ ایشو آف دی ڈے میں بات کررہے تھے۔انہوں نے کہا کہ اگر اپوزیشن یہ کہتی ہے کہ احتساب تو صرف اپوزیشن کا ہی ہورہا ہے تواس میں کون سی غلط بات ہے میڈیا خود بتائے کیا حکومتی وزراء اور مشیروں کے کیس نیب میں زیر التواء نہیں کیوں نیب حکومتی لوگوں کو اپنے آفس نہیں بلا رہا ہے جب یک طرفہ انتقامی کاروائی ہو گی تو پھر اس سے سیاسی ماحول بھی خراب ہو گا۔
غلام بلور