لاہور کے علاقے ڈیفنس میں سرعام فائرنگ کر کے نوجوان لڑکے کو زخمی کرنے والے کی شناخت ہو گئی ، سابق آ ئی جی کا بیٹا نکلا 

لاہور کے علاقے ڈیفنس میں سرعام فائرنگ کر کے نوجوان لڑکے کو زخمی کرنے والے کی ...
لاہور کے علاقے ڈیفنس میں سرعام فائرنگ کر کے نوجوان لڑکے کو زخمی کرنے والے کی شناخت ہو گئی ، سابق آ ئی جی کا بیٹا نکلا 

  

لاہور (ڈیلی پاکستان آن لائن )صوبائی دارالحکومت کے پوش علاقے ڈیفنس میں سرعام فائرنگ کرکے لڑکے کو زخمی کرنے والے نوجوان کی شناخت ہو گئی ہے ، وہ اور کوئی نہیں بلکہ سابق آئی جی کا بیٹا ہے ۔

تفصیلات کے مطابق 24 ستمبر کو پیش آنے والے واقعے کی منظر عام پر آنے والی سی سی ٹی وی فوٹیج میں دیکھا جا سکتا ہے کہ 24 ستمبر کی شب ڈیفنس اے میں سبز نمبر پلیٹ والی گاڑی کئی گاڑیوں کو اوورٹیک کرتی ہوئی کالے رنگ کی جیپ کے آگے رک جاتی ہے۔

سبز نمبر پلیٹ والی گاڑی سے ایک نوجوان نکل کر اندھا دھند فائرنگ کرنے لگتا ہے، گولی لگنے سے ایک شخص زخمی ہو جاتا ہے جبکہ فائرنگ کرنے والا نوجوان واپس اپنی گاڑی کی طرف پلٹتا ہے اور گاڑی لے کر بھاگ جاتا ہے۔زخمی نوجوان حشام علی کے مطابق ملزم نے گاڑی کے آگے گاڑی کھڑی کرنے سے روکنے پر فائرنگ کی، انہوں نے الزام عائد کیا کہ تھانے میں ملزم کو پروٹوکول دیا جا رہا ہے۔پولیس کا کہنا ہے کہ ملزم کا نام قاسم ہے اور وہ سابق آئی جی احسن محبوب کا بیٹا ہے، ملزم کو سی سی ٹی وی کی مدد سے گرفتار کیا گیا ہے

مزید :

علاقائی -پنجاب -لاہور -