پنڈی بھٹیاں،مضر صحت گوشت فروخت کرنے والا قصاب گرفتار
پنڈی بھٹیاں (نامہ نگار)مین بازار میں شہریوں کی شکائت پر محکمہ لائیو سٹاک اور پولیس نے کاروائی کرتے ہوئے مضر صحت گوشت فروخت کرنے والے قصاب کو مضر صحت گوشت سمیت گرفتار کر لیا ہے۔ قصاب نیاز عرف بلا اپنی دوکان پر مضر صحت گوشت فروخت کر رہا تھا۔ شہریوں کی شکایت پر اسسٹنٹ کمشنر پنڈی بھٹیاں نے پولیس اور محکمہ لائیو سٹاک کے عملہ کو گوشت کی چیکنگ کے بعد کاروائی کرنے کی ہدائت کی جس پر مضر صحت گوشت برآمد ہونے پر قصاب کو گوشت سمیت رنگے ہاتھوں گرفتار کر لیا گیا۔ بعدازاں ملزم کی نشاندھی پر فریزر میں رکھا ہوا مزید مضر صحت گوشت برآمد کر کے محکمہ لائیوسٹاک کے انچارج ڈاکٹر حسن نے ملزم کے خلاف کاروائی کے لئے مقدمہ درج کروا دیا۔ اطلاعات کے مطابق ملزم عرصہ دراز سے بیمار اور لاغر جانوروں کا گوشت فروخت کر رہا تھا۔ تھانہ سٹی پولیس نے ملزم کو گرفتار کرکہ قانونی کاروائی شروع کردی ہے۔
