چوہوں کو گھر سے بھگانے کے آسان طریقے !
چوہوں کو مارنا حل نہیں، انہیں گھروں اور دفاتر سے مستقل طور پر بھگانا صحیح طریقہ ہے۔گھرمیں چوہوں کی موجودگی کسی کو بھی پسند نہیں ہوتی کیونکہ یہ نہ صرف کھانے پینے کی اشیاءو دیگر سامان کو نقصان پہنچاتے ہیں بلکہ مختلف طرح کے جراثیم بھی پھیلانے کا باعث بن سکتے ہیں۔چوہے جب کسی گھر پر حملہ آور ہو جائیں اور کھانے پینے کی اشیاءتباہ کرنے لگیں تو ان سے نجات کے طریقے سوچنا پڑتے ہیں۔ یہاں چند ایسی مفید ٹپس دی گئی ہیں جن پرعملدرآمد سے آپ بآسانی چوہوں سے نجات پا سکتے ہیں۔آئیے جانتے ہیں کہ انہیں گھر سے کیسے بھگایا جاسکتا ہے؟
پودینے کا تیل : چوہوں کو پودینے کے تیل کی بو بالکل بھی پسند نہیں، اس لیے اگر آپ ان سے نجات حاصل کرنا چاہتے ہیں تو روئی میں پودینے کا تیل لگا کر جہاں سے چوہا گزرتا ہو وہاں مختلف مقامات پر اسے رکھ دیں۔ایسا کرنے سے چوہے بھی گھر سے بھی غائب ہو جائیں گے اور پودینے کے تیل کی خوشبو سے گھر بھی مہکتا رہے گا۔
آلوﺅں کا پاﺅڈر: آلوﺅں کا پاﺅڈر ہر اس جگہ چھڑکیں جہاں آپ سمجھتے ہیں کہ چوہے گزرتے ہیں۔ جیسے ہی چوہا ایک بار اسے کھالے گا اس کی جلد اور آنتیں پھولنے لگیں گی اور بالآخر وہ مر جائے گا۔
پیاز:چوہوں کو پیاز کی بو بھی بالکل پسند نہیں، اسی لیے اگر آپ چوہوں سے نجات حاصل کرنا چاہتے ہیں تو روزانہ گھر میں نئی پیاز رکھیں۔ چوہوں کو اپنے گھر سے دور کرنے کا یہ سب سے آسان، موثر اور سستا طریقہ ہے۔
مرچیں : مرچیں چھڑکنے کا طریقہ زمانہ قدیم سے استعمال ہوتاآرہا ہے۔ یہ طریقہ کیڑے مکوڑوں کو پودوں سے دور رکھنے کے لیے بھی استعمال کیا جاتا ہے۔ مرچوں کو چوہے کے داخلی راستے پر چھڑک دیں۔اس طرح آپ کو ان سے نجات مل جائے گی۔
لہسن : آپ ک_±ترے ہوئے لہسن کو پانی کے ساتھ چوہے کی داخلی گزرگاہ پر رکھ دیں۔ اس کے علاوہ ثابت لہسن بھی رکھ سکتے ہیں۔ اس کی بو سے چوہے گھر سے دور رہنے پر مجبور ہو جائیں گے۔
