بال پوائنٹ پین کے ڈھکن کے اوپر سوراخ کیوں ہوتا ہے؟
بال پوائنٹ پین کا استعمال متعدد افراد لکھنے کے لیے کرتے ہیں لیکن کیا آپ نے کبھی غور کیا کہ اس کے ڈھکن پر ایک سوراخ موجود ہوتا ہے۔ آپ کے لئے یہ یقین کرنا مشکل ہوگا لیکن اس کی ایک بہت اہم سائنسی وجہ ہے۔یہ سادہ سی وجہ یاد دلاتی ہے کہ کس طرح بظاہر معمولی تبدیلی بھی بہت اہم ثابت ہو سکتی ہے۔بیشتر افراد تو بال پوائنٹ پین کے ڈھکن پر غور بھی نہیں کرتے یا ہو سکتا ہے کہ انہیں لگتا ہو کہ اس کا مقصد ہوا کے دباو_¿ کو کنٹرول کرنا یا سیاہی کو خشک ہونے سے روکنا ہے۔یقیناً یہ ڈھکن ہوا کے دباو_¿ کے حوالے سے بھی کام کرتا ہے لیکن بال پوائنٹ کے ڈھکن پر سوراخ کی موجودگی کی وجہ دراصل لوگوں کو مرنے سے بچانا ہے۔جی ہاں واقعی بال پوائنٹ پین کے ڈھکن میں موجود سوراخ زندگی کو بچانے کے لیے ہوتا ہے۔اکثر افراد ہاتھ میں پکڑی چیز وں کو چبانے کے عادی ہوتے ہیں، بال پوائنٹ پین کا ڈھکن بھی ان میں سے ایک ہے،لیکن ایسا کرتے ہوئے کچھ افراد ڈھکن کو حادثاتی طور پر نگل لیتے ہیں اور اگر وہ سانس کی نالی میں پھنس جائے تو جان جانے کا خطرہ بڑھ جاتا ہے۔ اس کا حل ایک بال پوائنٹ پین بنانے والی کمپنی نے ڈھکن کے اوپری حصے میں سوراخ کی شکل میں نکالا، تاکہ حادثاتی طور پر اسے نگلنے سے جان کو لاحق ہونے والے خطرے کو کم سے کم کیا جا سکے۔اس کمپنی کی جانب سے متعارف کرایا گیا یہ ڈیزائن بتدریج تمام کمپنیوں کے بال پوائنٹ پین کا حصہ بن گیا۔خیال رہے کہ صرف امریکہ میں ہر سال 100 کے قریب افراد بال پوائنٹ کے ڈھکن کو نگلنے کے باعث سانس رکنے سے ہلاک ہو جاتے ہیں ۔اگر ڈھکن میں سوراخ نہ ہو تو یہ تعداد اس سے زیادہ بھی ہو سکتی ہے۔
