ورلڈ کپ ، ہر میچ جیتنے کی کوشش کرینگے ، بابر اعظم 

 لاہور( سپورٹس ڈیسک )قومی کرکٹ ٹیم کے کپتان بابر اعظم نے کہا ہے کہ نیوزی لینڈ کے خلاف میچ میں ہونے والی غلطیوں سے سیکھیں گے اور اگلے میچز میں بہتر پرفارم کریں گے۔ قومی کرکٹ ٹیم کے کپتان بابر اعظم نے کہا کہ پچ ڈبل پیس تھی پہلی اننگز کے مڈل اوورز میں تھوڑا گیند مشکل آرہا تھا لیکن دوسری اننگز میں گیند ٹھیک طریقے سے بلے پر آرہا تھا۔ کہا کہ ہم مڈل اوورز میں وکٹیں نہیں لے پائے جس سے میچ ہاتھ سے نکلتا چلا گیا، اسامہ میر شروع میں تھوڑا تیز گیند پھینک رہا تھا لیکن پھر اس نے اچھی گیند بازی کی۔بابر اعظم کا مزید کہنا تھا کہ اگلے میچز میں ہم مزید بہتر طریقے سے میدان میں اتریں گے قومی کپتان نے مزید کہا کہ پاکستان کی ٹیم میں بہت باصلاحیت کھلاڑی شامل ہیں امید ہے کہ آسٹریلیا سے کھیلے جانے والے میچ میں پوری پلاننگ کے ساتھ میدان میںاتریں گے اور وارم اپ میچ جیتنے کی کوشش کریں گے۔