قومی ٹیم کے ڈائریکٹر مکی آرتھر بھارت پہنچ گئے
حیدرآباد(ڈیلی پاکستان آن لائن )آئی سی سی کرکٹ ورلڈکپ کیلئے قومی ٹیم کےڈائریکٹر مکی آرتھر نے حیدر آباد دکن میں پاکستان ٹیم کو جوائن کر لیا۔
ترجمان پاکستان ٹیم کے مطابق مکی آرتھر انگلینڈ سے کاؤنٹی کرکٹ میں اپنی مصروفیات کے اختتام پر بھارت پہنچے ہیں، مکی آرتھر اس سے قبل ایشیاء کپ میں چند میچز کے لیے قومی ٹیم کے ساتھ تھے۔
پاکستانی ٹیم کے ترجمان کا کہنا ہے کہ مکی آرتھر اب مکمل طور پرپاکستان ٹیم کے ساتھ موجود رہیں گے۔
واضح رہے کہ پاکستان کا دوسرا وارم اپ میچ 3 اکتوبر کو آسٹریلیا کے خلاف شیڈولڈہے جس کیلئے پاکستان ٹیم آج سہ پہر کے سیشن میں ٹریننگ کرے گی۔
