ورلڈکپ، محمدرضوان اور حسن علی کی ویڈیو وائرل
حیدر آباد (ویب ڈیسک) قومی کرکٹ ٹیم کے وکٹ کیپر بیٹر محمد رضوان کی فاسٹ بولر حسن علی کو مالا اور گلاب دینے کی تصاویر سوشل میڈیا پر وائرل ہوگئیں۔
نجی ٹی وی ایکسپریس نیوز کے مطابق گزشتہ روز پاکستان کرکٹ بورڈ (پی سی بی) کی جانب سے ویڈیو شیئر کی گئی ہے جس میں قومی کرکٹرز اور کوچنگ سٹاف نے جیول آف نظام ریسٹورنٹ میں حیدرآبادی کھانوں سے لطف اندوز ہورہے تھے، اس دوران ہوٹل انتظامیہ نے کھلاڑیوں کو مالا پہنچائی اور پھولوں سے استقبال کیا۔
اس دوران قومی ٹیم کے وکٹ کیپر بیٹر محمد رضوان نے حسن علی کو مالا پہناتے ہوئے دیکھائی دیئے، جس پر فاسٹ بولر نے انہیں فوجی انداز میں سیلوٹ کیا، جس کی تصویر وائرل ہوگئی۔
Never change, Hasan Ali! Never, ever change @RealHa55an ❤️❤️❤️ #CWC23 #WorldCup2023 pic.twitter.com/AqwYzBZalR
— Farid Khan (@_FaridKhan) September 30, 2023
قومی ٹیم کے کھلاڑیوں نے ڈنر کے دوران ہوٹل انتظامیہ اور فینز کے ساتھ تصاویر بھی بنوائیں جبکہ شائقین کرکٹ نے کرکٹرز کے رویے کی کھل کر تعریف کی اور میدان میں سپورٹ کے عزم کا بھی اظہار کیا۔
