شیخو اسٹیل پاکستان اوپن ٹینس چیمپئن شپ کا افتتاح
لاہور (ڈیلی پاکستان آن لائن) شیخو سٹیل پاکستان اوپن ٹینس چیمپئن شپ 2023 کا باقاعدہ افتتاح اتوار کو سپورٹس بورڈ پنجاب ٹینس اکیڈمی نشتر پارک لاہور میں ہو گیا۔
جناب شاہد زمان، سیکریٹری اسپورٹس اینڈ یوتھ افیئرز پنجاب اور جی ایم مارکیٹنگ شیخو اسٹیل جناب جنید نوید نے افتتاحی تقریب میں بطور مہمان خصوصی شرکت کی اور رنگا رنگ افتتاحی تقریب کے دوران پر وقار ٹورنامنٹ کا افتتاح کیا۔ معزز مہمانوں کا تمام حصہ لینے والے کھلاڑیوں سے تعارف کرایا گیا جبکہ انہوں نے مینز سنگلز میچ بھی دیکھا اور میچ کے دوران اپنی صلاحیتوں کا مظاہرہ کرنے پر دونوں کھلاڑیوں کو سراہا۔
چیمپئن شپ کے پہلے روز کل 40 سے زائد میچ کھیلے گئے۔ تمام سرفہرست کھلاڑی آرام سے جیت کے ساتھ دوسرے راؤنڈ میں پہنچ گئے اور کچھ میچوں کے دوران ٹینس کا اعلیٰ معیار دیکھا گیا۔
دونوں مہمانوں نے تمام کھلاڑیوں سے ملاقات بھی کی اور کھلاڑیوں کی محنت کو سراہا۔ اس موقع پر پی ایل ٹی اے کے سیکرٹری رشید ملک (تمغہ امتیاز) سمیت اعلیٰ قومی کھلاڑی اور ان کے اہل خانہ بھی موجود تھے۔
