بزرگوں کا عالمی دن آج، تقریبات، سیمینارز کی تیاریاں، سماجی تنظیموں کا شیڈول فائنل

کوٹ ادو(تحصیل رپورٹر)پاکستان سمیت دنیابھر میں بزرگوں کا (بقیہ نمبر78صفحہ6پر)

عالمی دن آج منایا جائے گا،اس دن کو منانے کا مقصد بزرگ افراد کی ضروریات مسائل اور تکالیف کے بارے میں معاشرے کو آگاہی فراہم کرنا اور لوگوں کی توجہ بزرگ افراد کے حقوق کی طرف دلواناہے،بزرگوں کا عالمی دن اس لئے بھی منایاجاتا ہے کہ ریٹائرڈعمر رسیدہ اوربزرگ افرادکوزندگی کیآخری ایام میں جاری مشکلات،مسائل،پریشانیوں سے نئی نسل کو آگاہ کیا جائے تاکہ وہ بزرگ شہریوں کوعمر کے آخری حصہ میں کسی قسم کے احساس محرومی سے نجات دلا سکیں،اس دن کی مناسبت سے تقریبات سیمینارز اور ورکشاپس کا انعقاد کیا جاتا ہے،جن میں معاشرے کے ضعیف افراد کی دیکھ بھال اور ان کے حقوق سے متعلق لوگوں کو آگاہی فراہم کی جاتی ہے تاہم پاکستان جیسے مسلم معاشرے میں بھی بڑی تیزی کے ساتھ بزرگوں کو دارلکفالہ اور دارلامان جیسی جگہوں پر چھوڑ کر جانے کے رجحان میں تیزی آئی ہے اور لوگ اپنے بزرگوں سے دور ہوتے چلے جا رہے ہیں، ایسی صورت حال میں اس قسم کے دن منانا عوام کی جانب سے ایک اچھا اقدام قرار دیا گیا ہے