جمیکا تلاواز نے سینٹ کٹس اینڈ نیوس پیٹریٹس کو ہرادیا

جمیکا تلاواز نے سینٹ کٹس اینڈ نیوس پیٹریٹس کو ہرادیا
 جمیکا تلاواز نے سینٹ کٹس اینڈ نیوس پیٹریٹس کو ہرادیا

  

کنگسٹن(نیٹ نیوز کیریبین پریمیئر لیگ میں جمیکا تلاواز نے سینٹ کٹس نیوس پیٹریٹس کو 41 رنز سے ہرا کر چھٹی کامیابی حاصل کی، اس کامیابی کے ساتھ ہی تلاواز نے پوائنٹس ٹیبل پر دوسری پوزیشن بھی حاصل کر لی، سینٹ کٹس کی ٹیم 157 رنز کے ہدف کے تعاقب میں 116 رنز پر ڈھیر ہو گئی، سنگاکارا نے 69 رنز کی عمدہ اننگز اور تھامس نے شاندار باؤلنگ کا مظاہرہ کر کے ٹیم کی جیت میں اہم کردار ادا کیا، تھامس میچ کے بہترین کھلاڑی قرار پائے۔ کنگسٹن میں کھیلے گئے لیگ کے 26 ویں میچ میں جمیکا تلاواز نے پہلے کھیلتے ہوئے مقررہ اوورز میں 5 وکٹوں کے نقصان پر 157 رنز بنائے، سنگاکارا نے عمدہ بلے بازی کا مظاہرہ کرتے ہوئے 69 رنز کی اننگز کھیلی اور ٹاپ سکورر رہے، پاویل 43 رنز بنا کر دوسرے نمایاں بلے باز رہے، کوٹریل نے دو وکٹیں لیں، جواب میں سینٹ کٹس اینڈ نیوس پیٹریٹس کی ٹیم مطلوبہ ہدف حاصل کرنے میں ناکام رہی اور پوری ٹیم 17.5 اوورز میں 116 رنز بنا کر پویلین لوٹ گئی، کرس گیل بیٹنگ کا جادو جگانے میں ناکام رہے اور بغیر کوئی رن بنائے آؤٹ ہوئے، ایون لیوس 40 رنز بنا کر نمایاں رہے، محمد حفیظ 21 رنز بنا کر چلتے بنے، تھامس اور سنٹوکی نے تین، تین کھلاڑیوں کو آؤٹ کیا۔

مزید :

کھیل اور کھلاڑی -