’’ میں نے اپنے اکاؤنٹ میں موجود رقم بچوں کے نام کردی اور اب میں ڈیم فنڈ میں ۔ ۔ ۔‘‘ ملتان میں بھیک مانگنے والے شخص نے اتنی رقم عطیہ کرنے کا اعلان کردیا کہ آپ کی بھی حیرت کی انتہاء نہ رہے گی 

’’ میں نے اپنے اکاؤنٹ میں موجود رقم بچوں کے نام کردی اور اب میں ڈیم فنڈ میں ...
’’ میں نے اپنے اکاؤنٹ میں موجود رقم بچوں کے نام کردی اور اب میں ڈیم فنڈ میں ۔ ۔ ۔‘‘ ملتان میں بھیک مانگنے والے شخص نے اتنی رقم عطیہ کرنے کا اعلان کردیا کہ آپ کی بھی حیرت کی انتہاء نہ رہے گی 

  

ملتان (ویب ڈیسک) سڑکوں پر بھیک مانگ مانگ کر ایک ایک روپیہ جمع کرنے والا بھکاری لکھ پتی نکلا۔شکل و صورت اور اپنے حلیے کے اعتبار سے انتہائی غریب دکھنے والا مظفر گڑھ کے رہائشی نے ملتان کی سڑکوں پر بھیک مانگ مانگ کر اپنے بینک اکاؤنٹ میں لاکھوں روپے جمع کر لیے ہیں اور اس نے ڈیم فنڈ میں بھی  10 ہزار روپے عطیہ دینے کا اعلان کردیا۔ 

مقامی میڈیا کے مطابق شوکت بھکاری نامی شخص اردو، پنجابی اور انگریزی روانی سے بولتا ہے۔دلچسپ بات یہ ہے کہ شوکت بھیک مانگتے مانگتے اب لکھ پتی بن چکا ہے جس کا اعتراف سوشل میڈیا پر وائرل ہونے والی ویڈیو میں اس نے خود کیا ہے۔شوکت کا ویڈیو میں کہنا ہے کہ میں روزانہ ملتان سے ایک ہزار روپے کماتا ہوں اور اس طرح مہینے میں 30 ہزار روپے آرام سے کما لیتا ہوں جب کہ یہ ساری رقم بینک اکاؤنٹ میں جمع کراتا ہوں۔اس کا مزید کہنا ہے کہ آج کل کے دور میں ایک روپیہ کسی کی جیب میں کھلا نہیں ہوتا اسی لیے لوگ مجھے دس سے بیس روپے دے دیتے ہیں۔شوکت نے بتایا کہ اس کے اکاؤنٹ میں تقریباً 10 لاکھ سے زائد کی رقم موجود ہے جو کہ اس نے بچوں کے نام کردی ہے۔

اس کے علاوہ وہ سالانہ ہزاروں روپے بیمہ پالیسی کی مد میں بھی ادا کرتا ہے، شوکت کا کہنا ہے کہ وہ سالانہ 84 ہزار روپے بیمہ پالیسی کی مد میں ادا کرتا ہے۔اس کا کہنا ہے کہ وہ کھانا بھی مانگ کر کھاتا ہے، چار جگہ سے مانگتا ہے تو ایک سے کچھ نہ کچھ کھانے کو مل ہی جاتا ہے۔شوکت بھکاری کا یہ بھی کہنا ہے کہ میں نوکری کے لیے ایم این اے اور ایم پی اے کے پاس بھی گیا لیکن دھکے کھا کھا کر اب سڑک کا بادشاہ بن گیا ہوں۔اس نے کہا کہ اب اس کے پاس نوٹ ہی نوٹ ہیں اور وہ دیامیر بھاشا اور مہمند ڈیم کے لیے بھی فنڈ دے گا۔ویڈیو دیکھئے 

مزید : قومی /علاقائی /پنجاب /ملتان