ممتاز آباد میں 100من  حلیم کی وزنی دیگ تقسیم 

    ممتاز آباد میں 100من  حلیم کی وزنی دیگ تقسیم 

  

ملتان (سٹی رپورٹر)ملتان میں یوم عاشور کے موقع پر شہدائے کربلاء کی (بقیہ نمبر23صفحہ6پر)

یاد میں لنگر اور نذر ونیاز کے ساتھ ساتھ دودھ اور پانی کی سبیلیں لگانے کا سلسلہ بھی جاری رہا۔ ممتاز آباد کے علاقے میں 100 من حلیم کی وزنی دیگ تقسیم کی گئی جس کی تیاری میں کئی پکوانوں نے حصہ لیا اور 13 گھنٹوں کی مشقت سے حلیم تیار کر کے عقیدت مندوں میں تقسیم کی۔ واضح رہے کہ 100 من حلیم کی تیاری میں 10 من گوشت، دالیں، ٹماٹر، پیاز، ادرک، لہسن، سبز مرچیں اور دیسی گھی کا استعمال کیا گیا۔ حلیم تیار کرانے والے نوید فرید کا کہنا تھا کہ حلیم کی تیاری پرانی روایت ہے جس کو جاری رکھے ہوئے ہیں۔ دریں اثناء جلوسوں کے راستوں میں بھی شہر یوں نے بڑی تعداد میں لنگر کے ساتھ ساتھ پانی اور دودھ کی سبیلیں لگائیں۔ شہر کے مختلف مقامات اور جلوس روٹس پر کھانے پینے کی اشیاء ی تقسیم کا سلسلہ رات گئے تک جاری رہا۔ چھوٹے بچے بھی پر جوش انداز میں دودھ کی سبیل پر پانی اور گلی محلوں میں کھانے پینے کی اشیاء تقسیم کرتے رہے۔ یوم عاشورہ کے موقع پر بڑی تعداد میں لنگر نیاز تیا ر کئے جانے کی وجہ سے پکوائیوں کی کمی قلت سے محسوس کی گئی جس کا فائدہ پکوانوں نے خوب اٹھایااور وہ منہ مانگے دام وصول کرتے رہے۔ پکوان میسر نہ ہو نے کی وجہ سے کئی شہریوں نے اپنے گھر وں میں بھی نیاز تیار کر کے تقسیم کی۔۔

تقسیم

مزید :

ملتان صفحہ آخر -