بلوچستان میں حالیہ بارشوں سے کتنے افراد جاں بحق ہوئے؟صوبائی حکومت نے اعداد و شمار جاری کر دیئے

بلوچستان میں حالیہ بارشوں سے کتنے افراد جاں بحق ہوئے؟صوبائی حکومت نے اعداد و ...
بلوچستان میں حالیہ بارشوں سے کتنے افراد جاں بحق ہوئے؟صوبائی حکومت نے اعداد و شمار جاری کر دیئے

  

کوئٹہ(ڈیلی پاکستان آن لائن ) ترجمان بلوچستان حکومت لیاقت شاہوانی نے کہا  ہے کہ صوبے میں بارشوں سے 13 اموات ہوئیں، حکومت ریلیف و ریسکیو اور بحالی کا کام کر رہی ہے۔

نجی ٹی وی کے مطابق ترجمان بلوچستان حکومت لیاقت شاہوانی نے پریس کانفرنس کرتے ہوئے بتایا کہ بارشوں میں صوبے میں 13 اموات ہوئیں، حکومت نے ریلیف اور ریسکیو کا کام تندہی سے کیا۔ لیاقت شاہوانی کا کہنا تھا کہ حکومتی کوششوں سے حالیہ بارشوں میں جانی نقصان نہیں ہوا، ناڑی بینک میں سیلابی صورتحال سے بہتر طور پر نمٹا گیا، ایم 8 خضدار رتو ڈیرو شاہراہ پر کافی نقصان ہوا جہاں بحالی کا کام جاری ہے۔ انہوں نے کہا کہ کوئٹہ میں 3 ایڈمنسٹریٹر مقرر کرنے کی تجویز پر کام کر رہے ہیں۔ ترجمان کا مزید کہنا تھا کہ ایک ہفتہ قبل ایک بچی ریلوے کالونی سے اغوا ہوئی، سی سی ٹی وی کیمروں میں ایک شخص کو بچی لے جاتے دیکھا گیا، واقعے کی ایف آئی آر درج کرلی گئی ہے۔ انہوں نے بتایا کہ مذکورہ واقعے کی تحقیق اور بچی کی بازیابی کے لیے مشترکہ تحقیقاتی ٹیم (جے آئی ٹی) بنادی گئی ہے۔

مزید :

علاقائی -بلوچستان -کوئٹہ -