چین کا سری لنکا میں ایسا کام کہ مودی سرکار نے واویلا شروع کردیا  

 چین کا سری لنکا میں ایسا کام کہ مودی سرکار نے واویلا شروع کردیا  
 چین کا سری لنکا میں ایسا کام کہ مودی سرکار نے واویلا شروع کردیا  
سورس: File Photo

  

نئی دہلی(ڈیلی پاکستان آن لائن ) چین نے سری لنکا میں انفراسٹرکچر کا جال بچھا کر تامل قوم کا دل جیت لیا ہے جبکہ بھارتی ریاست تامل ناڈو میں چین کے جھنڈے لہرا دیئے گئے ہیں جبکہ دوسری طرف ہندوستانی سرکار نے واویلا شروع کرتے ہوئے الزام عائد کیا ہے کہ چین تامل علاقوں میں اپنے قدم جمانے اور تسلط قائم کرنے  کی کوشش کر رہا ہے۔

عالمی میڈیا کے مطابق بھارتی ریاست تامل ناڈو کے کچھ علاقوں میں چین کے سرخ جھنڈے لہرا رہے ہیں،یہ جھنڈے چین کی جانب سے سری لنکا میں تامل علاقوں میں ترقیاتی کام کروانےکی خوشی میں لہرائےگئےجبکہ بھارتی تامل افرادبھی ایسی ہی ترقی چاہتے ہیں۔ادھرمودی سرکار کی بری کارکردگی کے بجائے بھارتی میڈیا نے چین پر سری لنکا کے تامل علاقوں میں بنیادی ڈھانچوں کی تبدیلی اور انفراسٹرکچر بہتر بنانے پر تنقید کے تیر برساتے ہوئے الزام عائد کیا کہ چین تامل علاقوں میں اپنے قدم جمانے کی کوشش کر رہا ہے۔

چین نے سری لنکا میں نہ صرف انشورنس پالیسیاں متعارف کرائی ہیں بلکہ مچھیروں کا معیار زندگی بہتر بنانے کے لیے بھی کام کیا ہے جس پر بھارت نے الزام عائد کیا ہے کہ چین بھارتی جزیرے پر اپنی موجودگی قائم کرنے کےلیےبھارتی مچھیروں کو بھی راغب کر رہا ہے۔بھارت نےیہ بھی واویلا کیا کہ سری لنکاکے شمالی صوبے میں اقتصادی سرگرمیوں اور مجوزہ انفراسٹرکچر ڈویلپمنٹ پروجیکٹس کی حفاظت کے نام پر چین سٹریٹجک وجوہات کی بناء پر اپنا تسلط قائم کرے گا۔

واضح رہے کہ یہ پہلی مرتبہ نہیں جب بھارت نے چین کے سری لنکا میں ترقیاتی کاموں پر اعتراض اٹھایا ہے اس سے پہلے بھی بھارت چین کی سری لنکا میں جزیرہ نما جافنا کے تین جزیروں میں 12 ملین ڈالر کی سرمایہ کاری کے خلاف احتجاج کر چکا ہے۔

مزید :

بین الاقوامی -