افغان رکن پارلیمنٹ کی پشاور میں نوجوان پاکستانی لڑکی کے ساتھ جنسی زیادتی، انتہائی پریشان کن تفصیلات منظر عام پر

پشاور(مانیٹرنگ ڈیسک) پاکستان میں مقیم ایک افغان شہری، جو کہ افغان پارلیمنٹ کا رکن بتایا جاتا ہے، نے پشاور کی 18سالہ رقاصہ کو جنسی زیادتی کا نشانہ بنا ڈالا۔ انگریزی اخبار ”ڈیلی ڈان“ کی رپورٹ کے مطابق افغان رکن پارلیمنٹ حاجی شیر علی پشاور کے علاقے تہکل(Tehkal) میں ایک گھر میں رہائش پذیر تھا۔ وقوعے کے روز اس نے رقاصہ کو اپنے گھر ایک پارٹی میں رقص کرنے کے لیے بلایا اور مبینہ طور پر وہاں اسے اپنی ہوس کا نشانہ بنا ڈالا۔ رقاصہ کی درخواست پر ملزم کے خلاف مقدمہ درج کر لیا گیا ہے۔ اے ایس پی حیات آباد حسن افضل کا کہنا تھا کہ ”پولیس ملزم کی گرفتاری کے لیے چھاپے مار رہی ہے۔ اس کے گھر پر بھی چھاپہ مارا گیا لیکن وہ فرار ہو چکا تھا۔ اس ڈرائیور اور باورچی کو گرفتار کر لیا گیاہے۔“

ٹیچر کی انتہائی شرمناک حالت، بھرے سکول میں سب کے سامنے طالبہ پر جنسی حملہ
اے ایس پی کا کہنا تھا کہ ”ملزم کے گھر سے اس کا پاسپورٹ و دیگر دستاویزات ملی ہیں جن سے اس کی شناخت حاجی علی شیر کے نام سے ہوئی ہے جو افغان پارلیمنٹ کا رکن ہے۔ گھر سے اس کا پاکستانی شناختی کارڈ بھی برآمد ہوا ہے۔گھر سے واردات کے متعلق تمام شواہد اکٹھے کر لیے گئے ہیں اور ان پر تحقیق جاری ہے۔ دوسری طرف متاثرہ لڑکی کا طبی معائنہ بھی کروا لیا گیا ہے جس کی رپورٹ آنا ابھی باقی ہے۔“ رقاصہ نے پولیس کو بتایا کہ ”ملزم نے مجھے پارٹی میں ڈانس کرنے کو کہا تھا لیکن جب میں وہاں پہنچی تو چند ہی لوگ موجود تھے اور وہاں کوئی پارٹی نہیں ہو رہی تھی۔ ملزم مجھے زبردستی دوسرے کمرے میں لے گیا اور زیادتی کا نشانہ بنا ڈالا۔“