بھارت میں بندر 16 دن کے نوزائیدہ بچے کو لے بھاگا، تلاش جاری

نئی دہلی (این این آئی)بھارت کی مشرقی ریاست اڑیسہ میں ابھی مگرمچھ کا خوف کم نہیں ہوا کہ بندروں کا نیا خوف پیدا ہو گیا ہے۔ کٹک ضلع میں ایک نوزائیدہ بچے کو ایک بندر اٹھا کرلے بھاگا ہے اور حکام اس کی تلاش میں ہیں۔یہ بچہ صرف 16 دنوں کا ہے اور وہ تلابستا گاؤں کے اپنے گھر میں اپنی والدہ کے ساتھ سو رہا تھا کہ اسے بندر نے اچک لیا۔ماں نے جب بندر کو بچہ لے کر بھاگتے دیکھا تو انھوں نے شور مچایا پھر گاؤں والے جمع ہو گئے اور اس واقعے کی حکام کو خبر کی گئی۔محکمہ جنگلات اور آگ بجھانے والے محکمے کے اہلکار گاؤں پہنچ گئے ہیں اور بچے کی تلاش جاری ہے۔
بندر اور بچہ