"کسی مرد کا ساتھ ملے یا نہ ملے بچے ضرور پیداکروں گی" معروف گلوکارہ نے واضح اعلان کردیا

"کسی مرد کا ساتھ ملے یا نہ ملے بچے ضرور پیداکروں گی" معروف گلوکارہ نے واضح ...

  

لندن(ڈیلی پاکستان آن لائن)معروف  پاپ سنگر ریحانہ کہتی ہیں کہ چاہے کسی مرد کا ساتھ ملے یا نہ وہ آئندہ سالوں میں ماں ضرور بنیں گی اور دس سال میں تین سے چار بچے پیدا کریں گی۔

ایک ٹی وی انٹرویو کے دوران ریحانہ سے پوچھا گیا کہ وہ آئندہ دس سالوں میں خود کو کہاں دیکھتی ہیں جس پر انہوں نے کہا کہ وہ تین سے چار بچے پیداکریں گے یا تو کسی پارٹنر کے ساتھ یا پھر کسی بھی پارٹنر کے بنا۔

سکائی نیوز کے مطابق ریحانہ بھی ان پاپ سٹارز کی فہرست میں شامل ہوگئی ہیں جو والدین بننے کیلئے شادی کے بجائے متبادل طریقہ اختیارکررہے ہیں۔ اس سے قبل جنوری میں پاپ سنگر شرل این نے بھی کہا تھا کہ وہ ماں بننے کیلئے کسی ڈونر کی تلاش میں ہیں۔

واضح رہے کہ ریحانہ کا رواں سال کے آغاز میں ہی اپنے سعودی تاجر بوائے فرینڈ سے تعلق ٹوٹ چکا ہے اور وہ آج کل اپنے نویں البم کی تیاریوں میں مصروف ہیں۔

 جنوری میں  ریحانہ کی سعودی ارب پتی بوائے فرینڈ حسن جمیل کے ساتھ دوستی تین سال بعد اپنے اختتام کو پہنچی۔گلوکارہ ریحانہ کے گزشتہ تین برس سے سعودی ارب پتی حسن جمیل کے ساتھ قریبی تعلقات تھے اور دونوں کو متعدد تقریبات میں ایک ساتھ دیکھا بھی گیا تھا۔

اس حوالے سے امریکی جریدے ولچر نے اپنی ایک رپورٹ میں دعویٰ کیا تھا  کہ گلوکارہ اور سعودی ارب پتی نوجوان نے تین سال بعد اپنی راہیں جدا کر لی ہیں مگر دونوں کا تعلق کس بات پر ختم ہوا اس بارے میں فی الحال کوئی اطلاع موصول نہیں ہوئی ہے۔

ریحانہ اور جمیل حسن کو پہلی مرتبہ 2017 اردن میں ایک ساتھ سیر سپاٹے کرتے دیکھا گیا تھا، اس کے بعد نیویارک میں منعقد گریمی ایوارڈز 2018 کی پارٹی میں بھی دونوں ساتھ ساتھ نظر آئے۔گلوکارہ نے حسن جمیل سے اپنے تعلق کے بارے میں جون 2019 میں ایک جریدے کو انٹرویو دیتے ہوئے انکشاف کیا تھا کہ وہ ان سے محبت کرتی ہیں۔

انٹرویو کے دوران امریکی گلوکارہ کا کہنا تھا کہ وہ شادی کرنے سے گھبراتی ہیں لیکن اس حوالے سے صرف اوپر والا ہی جانتا ہے کہ مستقبل میں کیا ہوگا۔

بعدازاں ایک اور انٹرویو کے دوران گلوکارہ نے  اپنی خواہش کا اظہار کرتے ہوئے کہا تھا کہ وہ اپنی زندگی میں کسی چیز سے بھی بڑھ کر ماں بننا چاہتی ہیں۔

29 سالہ سعودی ارب پتی حسن جمیل اپنے والد عبدالطیف جمیل کے بزنس کے نائب صدر اور وائس چیئرمین ہیں۔ ان کے والد نے 1945 میں بزنس کی شروعات کی جن کے پاس آج گاڑیوں کی مقبول کمپنی ٹویوٹا کے ڈسٹری بیوشن رائٹس بھی موجود ہیں۔حسن جمیل کی فیملی سعودی پریمیئر فٹ بال لیگ، دی عبدالطیف جمیل لیگ کی میزبان بھی ہے جس پر ڈیڑھ ارب ڈالرز خرچ ہوتے ہیں۔

یہاں یہ بات بھی قابل ذکر ہے کہ امریکی گلوکارہ ریحانہ حسن جمیل کی پہلی گرل فرینڈ نہیں بلکہ اس سے قبل حسن جمیل کے 2016 تک ماڈل نومی کیمپبیل سے قریبی تعلقات تھے۔ 

مزید :

تفریح -