پیار اورمحبت کی کہانی سٹیج ڈرامہ ’’عشق تیرا پیار‘‘

حسن عباس زیدی

تماثیل تھیٹر میں جاری ڈرامہ’’عشق تیرا پیار‘‘ان دنوں عوام کی توجہ کا مرکز بنا ہوا ہے۔یہ ڈرامہ پیار اورمحبت کی کہانی ہے ۔ اس ڈرامہ کی کامیابی بہترین کامیڈی اور ڈانس پرفارمنس کو قرار دیا جا رہا ہے ۔اس ڈرامہ میں ملک کے بہترین کامیڈینز کام کررہے ہیں اتنی بڑی تعداد میں شاید ہی کسی اور ڈرامہ میں مزاحیہ فنکار کام کرتے ہوئے دکھائی دیئے ہوں ۔اس کے ساتھ ساتھ ملک کی بہترین پرفارمرماہ نور دھوم مچائی ہوئی ہے۔’’عشق تیرا پیار‘‘کے دیگر نمایاں فنکاروں میں امان اللہ ،ناصر چنیوٹی،طاہر انجم ،صوبیہ خان،عابد شاہ،بینا سحر اور گلفام شامل ہیں۔’’پاکستان‘‘سے گفتگو کرتے ہو ئے پروڈیوسر علی رضانے بتایا کہ میری ہمیشہ کوشش رہی ہے کہ میں اعلیٰ اور معیاری ڈرامے پیش کروں ۔میرے ڈراموں کو فیملیز کی بہت بڑی تعداد دیکھتی ہے اس کی وجہ یہ کہ میرے کسی ڈرامے میں فحاشی نہیں ہوتی ۔میں فحاشی کے خلاف تھا اور ہمیشہ رہوں گا ۔میرے ڈرامہ کی کامیابی کی ایک اور وجہ یہ ہے کہ میں نے ہمیشہ ٹیم ورک پر یقین رکھا ہے۔میری ٹیم کا ہر ممبر اپنے کام پر مکمل دسترس رکھتا ہے ۔پروڈیوسرعلی رضا نے بتایا کہ میں مستقبل میں بھی اعلیٰ اور معیاری کام جاری رکھوں گی۔میرے ڈرامے میں مقصدیت اور پیغام دونوں ہیں ۔اس ڈرامے میں مزاح ہی مزاح میں ایک اہم پیغام دیا گیا ہے لاہور میں سٹیج ڈراموں کو بہتر بنانے میں اپنے کردار پر فخر ہے اس وقت تھیٹر انڈسٹری پورے عروج پر ہے۔ ’’عشق تیرا پیار‘‘میں معروف اداکارہ ما،ماڈل اور پرفارمرہ نو ر کے آئٹم سانگ نے دھوم مچادی۔ماہ نورنے بتایا ہے کہ ’’عشق تیرا پیار ‘‘میں کام کرنے والے تمام فنکاروں نے اپنی پرفارمنس سے شائقین کے دل موہ لئے ہیں یہی وجہ ہے کہان دنوں نمائش کے لئے پیش کئے جانے والے ڈراموں میں سب سے زیادہ یہی ڈرامہ پسند کیا جارہا ہے۔ اس بارے میں ماہ نور نے’’پاکستان‘‘سے گفتگو کرتے ہوئے کہا کہ میں نے اس ڈرامے کے لئے ایک نیا آئٹم تیار کیا ہے جسے بہت پسند کیا جارہا ہے اور مجھے شائقین کی طرف سے زبردست رسپانس مل رہا ہے جس پر میں تمام لوگوں کی بے حد مشکور ہوں۔قسمت بیگنے کہا ہے کہ میں نے ہمیشہ کم مگر معیاری کام کو ترجیح دی ہے۔تماثیل تھیٹر میں جاری ڈرامہ’’عشق تیرا پیار ‘‘میں میری پرفارمنس کو بہت پسند کیا جا رہا ہے۔ فلم انڈسٹری کی بحالی کے لئے انقلابی اقدامات اٹھانا ہوں گے اور اس کے لئے سٹیج ،ٹی وی میں کام کرنے والی باصلاحیت اور خوبصورت اداکاراؤں کو بھی فلموں میں کام کرنے کے مواقع ملنے چاہیے۔ صوبیہ خان نے کہا کہ فلم انڈسٹری کی ترقی میرا خواب ہے ، گو کہ میں پشتو فلموں میں بہت مصروف ہوں مگر اجتماعی طور پر میں پاکستان فلم انڈسٹری کی بحالی کی خواہشمند ہوں اور اس کے لئے ضروری ہے کہ فلم کے تمام شعبوں میں نئے لوگوں کو مواقع ملنے چاہیے اور خاص طور پر اداکاری کے میدان میں ٹی وی اور سٹیج کے باصلاحیت اداکاروں کو آگے لانا چاہیے تاکہ انڈسٹری میں نئے اداکاروں کو اپنی صلاحیتیں منوانے کا موقع مل سکے ۔ انہوں نے کہا کہ بالی وڈ کی انڈسٹری میں نئے اداکاروں کو متعارف کروانے کا رحجان عام ہے جبکہ اس کے مقابلے میں لالی ووڈ میں پرانے اداکاروں سے ہی کام چلایا جا رہا ہے ۔جب تک نئے خون کو آگے آنے کا موقع نہیں ملتا انڈسٹری کی بحالی میں اتنی ہی مشکلات پیش آئیں گی ۔