ایشین مارکیٹس میں خام ربڑ کے نرخوں میں اتار چڑھاؤ رہا

ٹوکیو (اے پی پی) ایشین مارکیٹس میں خام ربڑ کے نرخوں میں اتار چڑھاؤ رہا جس کی وجہ خام تیل کے نرخوں میں اضافہ مگر طلب میں کمی ہے۔ٹوکیو کموڈٹی ایکسچینج میں جنوری کیلئے خام ربڑ کے سودے 1.2 ین اضافے کے ساتھ 205.7 ین (1.86 ڈالر) فی کلوگرام پر بند ہوئے۔
شنگھائی فیوچر ایکسچینج میں جنوری کیلئے خام ربڑ کے سودے 340 یوان کم ہوکر 15325 یوان (2279 ڈالر) فی ٹن پر بند ہوئے۔سنگاپور کموڈٹی ایکسچینج میں اگست کیلئے خام ربڑ کے سودے 0.9 امریکی سینٹ کم ہوکر 140.7 سینٹ فی کلوگرام پر بند ہوئے۔