غلام محی الدین دیوان کی قیادت میں وزیر اعظم آزاد کشمیر کے خلاف مظاہرہ

لاہور ( نمائندہ خصوصی) تحریک انصاف آزاد کشمیر کے سیکرٹری جنرل و ممبر قانون ساز اسمبلی غلام محی الدین دیوان کی زیر قیادت کشمیر سیکرٹریٹ کے باہر وزیر اعظم آزاد کشمیر راجہ فاروق حیدر کیخلاف احتجاجی مظاہر ہ کیا جس میں کشمیر ی عوام سمیت پارٹی کارکنان نے بڑی تعداد میں شرکت کی اس موقع پر مظاہرین نے ''گوراجہ فاروق حیدر گو ''غدار ہے غدار ہے کہ نعرے بھی لگائے ۔ ممبر قانون ساز اسمبلی غلام محی الدین دیوان نے مظاہرے سے خطاب کر تے ہوئے کہا کہ وزیراعظم آزاد کشمیر کے خلا ف آرٹیکل 6کے تحت غداری کا مقدمہ درج کیا جائے او ر اسے فوری طور کر گرفتار کر کے جیل میں ڈالا جا ئے ۔ نواز شریف اور راجہ فاروق حید ر نے کشمیر کازکو شدید نقصان پہنچا ہے ۔