مودی سرکار کی انسانوں کے بجائے جانوروں پر توجہ ، وزارت گائے قائم کرنے پر غور

نئی دہلی (صباح نیوز)بی جے پی رہنما امیت شاہ نے کہا کہ گائیوں کیلئے ایک الگ وزارت قائم کرنے کے بارے میں سوچا جا رہا ہے۔بھارتی شہر لکھنو میں پریس کانفرنس کرتے ہوئے امیت شاہ نے کہا کہ اس حوالے سے بہت سی سفارشات آ رہی ہیں اور اس پر غور و خوض جاری ہے۔اس موقع پر ریاست اترپردیش کے وزیرِاعلیٰ جوگی ادتیاناتھ بھی موجود تھے۔انہوں نے مزید کہا کہ فی الحال یہ واضح نہیں ہے کہ یہ وزارت کیا کام کرے گی۔واضح رہے بھارت میں حالیہ دنوں میں گائے کے تحفظ کا معاملہ سامنے آیا ہے اور اس سلسلے میں کئی مسلمانوں کو مشتعل ہجوموں نے گائے کی بے حرمتی کے جرم میں قتل کیا ہے۔ایسی ریاستیں جہاں بی جے پی کی حکومت ہے وہاں گؤرکشا کمیشن قائم کیے گئے ہیں جو گائیوں کے تحفظ اور فلاح و بہبود کیلئے کام کرتے ہیں۔ریاست ہریانہ میں گائیوں کے تحفظ کیلئے خصوصی پولیس فورس قائم کی گئی ہے۔2014میں جب نریندر مودی اقتدار میں آئے تھے تو انھوں نے عہد کیا تھا کہ گائے کا قتل عام روکیں گے۔