وزارت عظمیٰ کی منتقلی کو کیسے دیکھ رہے ہیں ؟ صحافی،جیسے سب دیکھ رہے ہیں، آرمی چیف کا جواب

اسلام آباد(ویب ڈیسک)وزیراعظم شاہد خاقان عباسی کی ایوان صدرمیں حلف برداری کی تقریب میں آرمی چیف جنرل قمر جاوید باجوہ توجہ کامرکز بنے رہے۔ روزنامہ دنیا کے مطابق  حلف برداری کے اختتام پر چائے پینے کے لئے جاتے ہوئے صحافیوں نے آرمی چیف سے بات کرنے کی کوشش کی، ایک صحافی نے سوال کیا کہ وزارت عظمیٰ کی منتقلی کو کیسے دیکھ رہے ہیں؟ تو آرمی چیف نے چلتے چلتے کہا کہ جیسے سب دیکھ رہے ہیں، اس کے بعد انہوں نے صحافیوں کے کسی سوال کا جواب نہیں دیا۔