اشتہارات میں جھوٹ بولنے پر شاہ رخ خان کو عدالتی کارروائی کا سامنا

ممبئی(آئی این پی) شاہ رخ خان کو شیونگ کریم کے اشتہار میں اس کی جھوٹی تعریفیں کرنے پر بھارتی عدالت نے نوٹس جاری کردیا۔

فلم انڈسٹری میں آنے سے پہلے 14سال کی عمر میں ویٹرس کاکا م کرتی تھی:جیکو لیکن فرنینڈس
غیر ملکی میڈیا کے مطابق بھارتی فلم انڈسٹری کے تقریباً تمام سپر سٹارز اضافی آمدنی کی مد میں اشتہارات کے ذریعے کروڑوں روپے کماتے ہیں لیکن اضافی آمدنی کے چکر میں یہ سٹارز بھول جاتے ہیں کہ عام آدمی یہ اشتہارات دیکھ کر جو بھی چیز خریدتا ہے اس پر اس کے کتنے منفی اثرات مرتب ہوں گے۔حال ہی میں بھارتی شہر بھوپال سے تعلق رکھنے والے ایک شہری راجکمار پانڈے نے بالی ووڈ سپر سٹار کنگ خان کے خلاف شکایت درج کروائی ہے، جس میں انہوں نے موقف اختیار کیا ہے کہ انہوں نے ٹی وی پر شاہ رخ خان کو ایک شیونگ کریم کے اشتہار میں دیکھا تھا وہ اس اشتہار سے اتنے متاثر ہوئے کہ فوراً کریم خرید کر گھر لے آئے تاہم کریم استعمال کرنے پر نہ صرف انہیں نقصان ہوا بلکہ ان کے چہرے پر بھی زخم بھی آگئے ہیں۔تاہم عدالت نے درخواست گزار کی استدعا کو مد نظر رکھتے ہوئے شاہ رخ خان کو نوٹس جاری کردیاہے ۔